Video
Read full review
2016-04-14
1653 views
與朋友聚舊, 都想與朋友多多傾談, 但又想食好一些, 應該如何選擇?今次就與朋友一齊放肆一番, 選擇放題, 朋友初時聽到放題, 已考慮價碼問題, 我用一個好安心的回覆----平、靚、正~就解除佢的疑慮。朋友於東涌收工, 到達葵芳鐵路站只需半個鐘左右, 食肆在鐵路站旁的商場, 一出鐵路站上電梯就到, 好方便。入口有一部份是梳化位, 感覺好舒服, 不過比較空曠, 少人坐時會比較礙眼。入面座位都有好多, 10人枱都可安排到, 人多都不怕分枱坐。我們兩位都可以安排到卡位, 舒舒服食大餐。我們都愛食生蠔及蟹腳, 自然要加錢食埋, 雖說要加錢, 但要食到這兩樣, 一般都要在自助餐餐廳才有供應, 今次難得有日式放題餐廳有供應, 就算加完錢都二百幾蚊一位, 比起其他自助餐三百幾蚊都未必有蠔食, 這間價錢確實相當吸引。二話不說就點餐, 見到柯打紙都有十多張, 種類真係過百款, 花多眼亂, 開始就叫一些刺身及海鮮試試吧~生蠔好大隻，足有一個大男人手心咁大，蠔色偏淡，蠔身非常厚，比一般珍珠蠔大兩至三倍。食落幾爽口，海水味及金屬味不重不咸，初次食蠔的人都接受到，這個放題價錢，去邊度還有！蟹腳肥大肉厚，除蟹身撕
今次就與朋友一齊放肆一番, 選擇放題, 朋友初時聽到放題, 已考慮價碼問題, 我用一個好安心的回覆----平、靚、正~就解除佢的疑慮。
朋友於東涌收工, 到達葵芳鐵路站只需半個鐘左右, 食肆在鐵路站旁的商場, 一出鐵路站上電梯就到, 好方便。
入口有一部份是梳化位, 感覺好舒服, 不過比較空曠, 少人坐時會比較礙眼。
入面座位都有好多, 10人枱都可安排到, 人多都不怕分枱坐。我們兩位都可以安排到卡位, 舒舒服食大餐。
我們都愛食生蠔及蟹腳, 自然要加錢食埋, 雖說要加錢, 但要食到這兩樣, 一般都要在自助餐餐廳才有供應, 今次難得有日式放題餐廳有供應, 就算加完錢都二百幾蚊一位, 比起其他自助餐三百幾蚊都未必有蠔食, 這間價錢確實相當吸引。
二話不說就點餐, 見到柯打紙都有十多張, 種類真係過百款, 花多眼亂, 開始就叫一些刺身及海鮮試試吧~
生蠔好大隻，足有一個大男人手心咁大，蠔色偏淡，蠔身非常厚，比一般珍珠蠔大兩至三倍。食落幾爽口，海水味及金屬味不重不咸，初次食蠔的人都接受到，這個放題價錢，去邊度還有！
蟹腳肥大肉厚，除蟹身撕出的肉比較鞋外，腳內肉質好軟，蟹味重而不咸，比起酒店自助餐供應的更好！
三文魚刺身—色澤油潤, 油脂分明, 入口有啖啖魚油香, 爽口有勁, 咬一兩口就油化了, 感覺不錯
原隻甜蝦—非常開心有原隻甜蝦, 完整又美觀外, 更突顯貴價貨感覺。入口絕對比一般甜複爽口彈牙, 亦覺非常鮮甜, 口感好滑。原粒帶子刺身- 原粒尺寸不大, 但比別的餐廳切件大粒帶子顯得大方
自私叫一人前扒類就超滿足啦，點了牛扒，魚柳及牛舌牛扒即叫即煎，熱辣辣，入口即化，肉質好鬆軟，淋扒的汁略為軟咸，因本身已有醃過，煎香已足夠。
魚柳都幾驚喜，半煎炸，炸粉不厚，入口仍有肉汁，好juicy, 魚肉幼滑！
天婦羅當然都是必點，除蝦外，有番薯、南瓜、茄子、蓮藕及蟹柳。炸物雖然賣相不吸引，但勝在炸漿薄，即炸件件香口，天婦羅汁不咸，有陣陣甜香，配合食相得益彰！
飲品有好多選擇: 維他紙包飲品、康師傅系列、即斟汽水、忌廉溝鮮奶，款式特多，任君選擇！
甜品都是自助形式，有慕絲蛋糕、泡芙、雪糕雪條、百x豆腐花、啫喱等，非常多元化，雪糕有雀巢同大阪餅店，之前食過大阪餅店蛋糕，已覺好味，今次第一次食話店出的雪糕，豆腐口味，刮時會覺得有雪葩的感覺，但入口滿口奶香，豆腐香好重，甜而不膩，有胃口都想一杯接一杯！整體上這店的性價比真高，無論刺身款式質素、食物種類，以至味道都非常超值，自私地希望少人發掘到，但一看食評，已知好多人已見識過這店的潛力！！
Other Info. :
有朋友生日, 有88折優惠, 另有火鍋選擇, 不需另外付費
(The above review is the personal opinion of a user which does not represent OpenRice's point of view.)
Post
