阿叔泰麵 (西菁街) (Closed)

身處元朗餐廳琳瑯滿目，位置不算顯眼，隱藏在一列車房中間，推門內進彷如置身另一國度，滿是彩色卡通牆身、具特色的擺設及色彩繽紛的碗筷，餐廳雖小，但客人往來不斷。 火辣阿嫂青木瓜沙律 $48見餐牌有4隻辣椒標誌應該勁辣，穩陣派叫左佢少辣。辣度剛好，用上青木瓜口感非常爽脆，撒了櫻花蝦碎有D風味，前菜酸辣開胃。冬蔭功湯麵 $60麵底有多種選擇，最終揀了金邊粉。麵的份量都唔少喎。冬蔭功湯底酸味味開胃美味，唔會好辣最啱我，配以柔韌富彈性的金邊粉，飲埋湯汁好味。配料豐富有青口、蟹柳、豆卜、海蝦。蛋炒咖喱蟹肉飯 $68香濃的黃咖喱汁將滑蛋和蟹肉撈埋一齊難以分辨，食落口感滿足，咖喱滑蛋依種無敵撈飯配搭，飯多多都食得晒！泰式奶茶 $24茶味和奶味比例剛好，唔會好甜啱我，解辣飲兩啖又可再戰。