泰傳奇 (Closed)

九展咁多間餐廳，我同朋友最後揀咗呢間泰國菜餐廳，座位都算多，座位闊落，空間感十足，店員有禮。〈泰式炒金邊粉〉🍝🦐呢碟泰式炒金邊粉色香味俱全，一睇個顏色就知一定好夠味，隻隻蝦都好爽口大隻，份量非常多，值得推介。〈肉碎煎蛋飯〉🍳🍚肉碎用豆角、香葉同埋辣椒炒到好有鑊氣，好惹味，都有少少辣，加埋隻太陽蛋，非常易送飯，都認真唔錯！飲品方面嗌咗青檸梳打🍹同埋凍奶茶🥤，喺咁熱嘅天氣下解渴真係一流，下次等我再試下佢其他午餐。