泰豪燒 (Closed)

今日接完男朋友收工， 順路經過元朗， 元朗出名多美食， 但性價比嘅餐廳唔算多， 剛剛好經過呢間餐廳， 睇一睇餐牌發現佢嘅主打菜係砂鍋粥同串燒， 呢兩樣都係我哋鍾意嘅菜式，！佢嘅二人套餐真係好抵食， 喺出面市區食一個海鮮砂鍋粥都起碼都要幾百蚊， 呢度仲要係套餐，兩款海鮮比你選擇，我地選蝦同蟹， 加多隻蟹都係幾廿蚊，令個個粥再鮮味d,識叫一定加蟹。 粥嘅份量十足， 有一隻手掌咁大嘅蟹同好多隻蝦， 咁多海鮮煲嘅粥味道係超級鮮甜，海鮮控必試。串燒方面， 我哋叫咗好多肉類得一樣係素食就係豆卜（食肉瘦）， 另外加左錢叫生蠔同和牛粒。 生蠔肉質飽滿，加上蒜蓉幾惹味。 其他串燒都唔錯，鍾意食辣嘅朋友旁邊有一罌辣椒粉。總結，呢間同朋友食飯傾計飲酒都幾適合。