校長燒肉日韓料理 (沙咀道) (Closed)

已經幾個月冇食過韓燒, 今晚放工同友人揀左呢間校長燒肉日韓料理, 貪佢一次過滿足兩個願望朋友好醒目預早book 位, 我哋食7:15pm 時段加一後都係$230/位,抵呢度食物種類真係好多,有刺身、壽司、冷盤、中式點心、熟食、炸物、沙律、韓燒、火鍋、甜品、飲品等…趁個爐仲未燒得出去拎d嘢食先,炸物炸得香脆而且仲係熱辣辣, 另外壽司都唔錯,夠新鮮飲品種類紙盒罐裝都有。鍾意飲酒嘅仲有清酒、梅酒、啤酒任飲,花多眼亂燒烤肉類都有的多種, 每款肉有三種調味: 有原味、咖哩和韓式。肉類雞翼、豬、牛都有,仲有魚呀…魷魚、多春魚、香腸、午餐肉和菇類等個人特別推薦黑椒牛肋條-肉質嫩滑、汁多美味辣味雞中翼-燒得很香,皮脆肉嫩台灣腸-燒到脆卜卜,帶點蜜糖甜味,食落去懷念台灣嘅感覺雞扒-肉質滑嫩, 醃得入味牛油粟米-經烤過後帶點牛油香,粟米超甜啲肉類都算厚身, 顏色夠鮮紅, 感覺幾新鮮, 有肥有瘦自己夾自己動手燒另一邊同時可以打邊爐, 食咗咁多肉烚下蔬菜清下個胃, 蔬菜、菇菌類好多選擇而且都好新鮮甜品凍櫃有精美糕餅、奶凍、啫喱、布甸等, 全部香甜幼滑、美味可口連雪糕都有多款, 我就揀咗韓國雪條食好滿足的晚餐值