Video
Read full review
2019-03-07
46 views
同媽媽係藍田啟田商場行街，發現新開左間車仔麵！自選餸菜、麵底同湯底，仲有唔少小食，點完嘢食再搵位。我地搵位坐低就等叫number去拎嘢食~~效率好快10分鐘都唔洗，食物就黎齊👍🏻我地要左韭菜豬紅大腸、時菜牛三寶、新疆孜然燒雞翼。價錢唔貴，但份量超多！豬紅真係我食過中最好食！超入味，口感又滑，無血腥，配韭菜真係好夾！同埋韭菜好新鮮爽口！豬大腸我唔敢食，但媽媽話好食！時菜牛三寶入面應該有牛筋、牛肚、牛腩，但牛肚無曬><換左更多牛筋牛腩~~牛筋好軟滑又帶煙韌，入味但又唔會過鹹，出色之作！牛腩肥瘦分布均勻。雞翼就好似串燒店食到嘅味道，我就覺得可以再燒脆啲😝$19呢個價錢有三隻抵食啦！我地兩個見到有番茄湯底即刻心心眼，二話不說就決定左湯底。配料選擇豐富，價錢$7-12不等，睇到我地花多眼亂。媽媽要左豬軟骨、鮮腐竹卷、魚腐、雲耳同蘿蔔；我就要左糖心蛋、雞肉、雲耳、蘿蔔。份量比一般車仔麵店足料，大大碗，上面有滿滿嘅鮮茄蓉。第一次食呢間，感覺配料質素幾高，第一啖食蘿蔔，真心超正，清甜無渣！蠔油小花菇亦相當軟淋入味👍🏻豬軟骨好出色，雖然軟骨位未去到完全淋曬，但都好OK了，起碼係軟嘅，肥瘦
同媽媽係藍田啟田商場行街，發現新開左間車仔麵！自選餸菜、麵底同湯底，仲有唔少小食，點完嘢食再搵位。
我地搵位坐低就等叫number去拎嘢食~~效率好快10分鐘都唔洗，食物就黎齊👍🏻
我地要左韭菜豬紅大腸、時菜牛三寶、新疆孜然燒雞翼。
價錢唔貴，但份量超多！
豬紅真係我食過中最好食！
超入味，口感又滑，無血腥，配韭菜真係好夾！同埋韭菜好新鮮爽口！豬大腸我唔敢食，但媽媽話好食！
時菜牛三寶入面應該有牛筋、牛肚、牛腩，但牛肚無曬><換左更多牛筋牛腩~~
牛筋好軟滑又帶煙韌，入味但又唔會過鹹，出色之作！牛腩肥瘦分布均勻。
雞翼就好似串燒店食到嘅味道，我就覺得可以再燒脆啲😝$19呢個價錢有三隻抵食啦！
我地兩個見到有番茄湯底即刻心心眼，二話不說就決定左湯底。配料選擇豐富，價錢$7-12不等，睇到我地花多眼亂。
媽媽要左豬軟骨、鮮腐竹卷、魚腐、雲耳同蘿蔔；
我就要左糖心蛋、雞肉、雲耳、蘿蔔。份量比一般車仔麵店足料，大大碗，上面有滿滿嘅鮮茄蓉。第一次食呢間，感覺配料質素幾高，第一啖食蘿蔔，真心超正，清甜無渣！
蠔油小花菇亦相當軟淋入味👍🏻
豬軟骨好出色，雖然軟骨位未去到完全淋曬，但都好OK了，起碼係軟嘅，肥瘦適中，肉質軟腍唔韌，兩大舊$12，完全係水準之上！腐竹卷就好似係春卷嘅餡，皮就轉左鮮腐竹，餡料滿滿的，口感豐富。雞肉都唔差，有雞腿肉部位，鮮嫩好吃😋
糖心蛋真心必食！6成熟左右，中間蛋黃係膏狀，內層係液狀，三重口感！點解車仔麵配料都可以咁出色😭❤
️連蛋黃都入味，冰涼帶酒香，仲有甜甜的滋味！絕對唔差過日本拉麵店嘅糖心蛋！雲耳就有啲係爽脆口感，有啲係軟腍口感，呢款同魚腐都比較普通。下次絕對會再黎食
Post
