熊貓小雲吞 (海富商場)

Open Now

Now Closed

岩岩附近探完朋友，見到有麻辣野同紅糖糍粑，就試下呢間熊貓小雲吞。一入到去見到價錢好平，20粒小雲吞雙拼都只係$45，由於之後都係叫辣野，所以㨂左番茄湯，飲落去都算清甜，唔係只係加用茄膏整成的湯。而小雲吞見到員工都不斷包，每隻個size其實都唔算細粒，而裏面都真係足料，個人鐘意粟米比較清甜。加埋乜都有的串串鍋，唔怕選擇困難症的朋友們!之後今日天氣比較熱，就揀左麻辣手撕雞涼伴麵，涼伴麵除左酸辣汁外，加埋脆花生同芝麻醬更加惹味，份量亦好多。而麻辣手撕雞的味道亦調得唔錯。而野飲呢度有氮氣茶，第一時間諗起之前興過下的分子雪糕。後黎係Google查完之後，原來茶加左氮氣後，由於分子上的改變，口感會變得順滑，同埋個質感會比較厚。而呢度的茶應該無乜加糖，所以都係健康之選。最後當然食埋甜品，平時叫紅糖糍粑，最少都要$50蚊，呢度只係需要$25，起碼平一半。而食落去都味道唔錯，煙韌得黎表面都有脆身的口感，絕對襯得起呢個價錢。