幸腹滿屋日本料理 (Closed)

荔枝角工作了近一年，近排發現有呢間日本餐廳，午市lunch set絕對稱得上高性價比！由於午市關係，lunch set價錢絕對唔算貴，但要提提係呢間餐廳一定要book位！Walk-in絕大機會無位，又或者等到兩點之後。餐廳位於C出口一直行，1分鍾左右已經到，非常近地鐵站，但門面非常隱蔽，絕對唔容易搵到。有位之後 Lunch set menu好多款式，拉面、魚生飯、壽司各有大量選擇比食客慢慢揀。大部分lunch set都附有味增湯、沙律同飲品(飲品可轉甜品)，沙律絕對稱得上大份，而味增湯唔咸唔淡，味道唔錯。今次點左個角切魚生飯，飯份量算多，魚生份量更多，絕對唔會唔夠飽。另外魚生新鮮，食到魚生既鮮味，之前試過有希靈魚，但今次比較多油甘魚，價錢絕對唔貴，性價比非常高。朋友則點了火炙鵝肝魚生飯+三文魚沙律，三文魚份量超多，起碼十小片，菜份量也不小，絕對夠飽。火炙鵝肝魚生飯只有三片超薄鵝肝，鵝肝味道有d似鴨肝，唯獨真的份量比較小，整體味道還好。荔枝角很多不同種類的日本餐廳，但這一間絕對值得再次光顧！