Video
Read full review
2010-04-15
241 views
食咗佢個二人套餐，我覺得係平靚正再加大件夾抵食1) 自製農夫麵包配牛肝醬及芝士香草醬：麵包脆硬似法式包，芝士香草醬ok，牛肝醬仲好味，有少少似鹹牛肉三文治嗰種鹹牛肉味，仲有食得出肝既味，都幾特別，至少唔係搽牛油，而呢兩種醬都ok，如果你要求高，我諗至少你都會覺得唔難食啩2)希臘沙律配風乾火腿片：火腿幾好食，似啲自助餐啲火腿片咁囉,鹹鹹哋，啲沙律都係鹹鹹哋，ok啦，我覺得沙律都係生既疏菜，度度差唔多3)蘭度豆湯：哦豆煲好溶哂，溶到啲豆渣好似沙咁，真係沙過紅豆沙4)脆皮燒豬肘配燒薯及酸椰菜：燒薯普通啦；酸椰菜絲夠爽口，酸酸哋吊吓味；脆皮燒豬好大件，皮夠脆，唔識點講，總之佢種脆唔同燒乳豬或者燒肉皮嗰種脆，肉就啱啱好熟，所以唔會乾，又夠啉，少少鹹，夠惹味，仲好大份添。另外佢嚟到會SHOW一SHOW隻豬肘畀你睇，然後問使唔使切埋，咁我就哽係叫佢切埋啦5)燴薄牛肉配青椒粒汁：唔知點解嚟嗰陣變咗做薯餅配牛柳粒。初初諗住牛柳粒好多地方有得食，會普普通通啦，但係又有意外驚喜喎。啲牛柳夠啉，唔似係加咗粉嗰種啉，應該係牛既質素同烹調技術，牛肉夾雜住牛脂肪，彈牙有口感；個薯餅哽係唔同一般架啦，刨絲再炸，幾特別
1) 自製農夫麵包配牛肝醬及芝士香草醬：麵包脆硬似法式包，芝士香草醬ok，牛肝醬仲好味，有少少似鹹牛肉三文治嗰種鹹牛肉味，仲有食得出肝既味，都幾特別，至少唔係搽牛油，而呢兩種醬都ok，如果你要求高，我諗至少你都會覺得唔難食啩
2)希臘沙律配風乾火腿片：火腿幾好食，似啲自助餐啲火腿片咁囉,鹹鹹哋，啲沙律都係鹹鹹哋，ok啦，我覺得沙律都係生既疏菜，度度差唔多
3)蘭度豆湯：哦豆煲好溶哂，溶到啲豆渣好似沙咁，真係沙過紅豆沙
4)脆皮燒豬肘配燒薯及酸椰菜：燒薯普通啦；酸椰菜絲夠爽口，酸酸哋吊吓味；脆皮燒豬好大件，皮夠脆，唔識點講，總之佢種脆唔同燒乳豬或者燒肉皮嗰種脆，肉就啱啱好熟，所以唔會乾，又夠啉，少少鹹，夠惹味，仲好大份添。另外佢嚟到會SHOW一SHOW隻豬肘畀你睇，然後問使唔使切埋，咁我就哽係叫佢切埋啦
5)燴薄牛肉配青椒粒汁：唔知點解嚟嗰陣變咗做薯餅配牛柳粒。初初諗住牛柳粒好多地方有得食，會普普通通啦，但係又有意外驚喜喎。啲牛柳夠啉，唔似係加咗粉嗰種啉，應該係牛既質素同烹調技術，牛肉夾雜住牛脂肪，彈牙有口感；個薯餅哽係唔同一般架啦，刨絲再炸，幾特別，味道方面唔記得咗‧‧‧總之都係好食啦
6)鮮蝦闊條麵配香草汁：鮮蝦新鮮有蝦味，啲闊條麵遜色少少啦，好油，問佢攞芝士粉(其實係芝士刨成絲)加上啲麵度會好食好多，會遮到啲油味
7)甜品拼盤：我見其他人留言啲相，我個甜品種類係同其他人有唔同，可能佢個拼盤會久不久轉啩，總括嚟講都好食。
A)朱古力餅：甜，口感麻麻哋，好似普通朱古力西餅咁囉
B)焦糖布丁：
C)綠茶紅豆卷：榚係綠茶味，淡淡綠茶香；奶油係加咗紅豆味，有紅豆粒，個奶油唔會太cream
D)咖啡慕絲杯：淡淡咖啡味，唔會太濃，咖啡味對我嚟講淡淡哋就OK
E)朱古力慕絲杯：好甜，對於鍾意食朱古力既我就哽係正啦
總括嚟講，HKD$400左右兩個人，算平架喇，啲食物又靚又正，都係嗰句啦，平靚正，其實二人餐多數係二頭盆二主菜，但係佢只得一頭盆但係三主菜，隻豬肘仲要大大隻，其實如果兩個人，細食既真係未必食得哂，好彩我夠大食，仲要食極唔肥呀
服務方面，我唔知嗰日同少人有冇關係啦，佢哋好主動敫勤，亦都有介紹吓啲廚師推介啦，算係咁架喇，見我哋影相又主動問使唔使幫我哋影合照相
環境：有露台位睇海景，亦都有室內位，室內裝修得同個美利樓嗰種用木既裝修古舊好夾，但係古舊得嚟又高級，唔會畀人好殘既感覺，加啲德國既畫照佈置配合返間餐廳，又有一男一女駐場歌手唱歌，音樂又唔太大聲，唔會嘈到人傾偈，佢哋都唱得好聽架，唯一係個洗手盆，只有兩個洗手盆，但係兩個去水都塞塞哋，呢度扣少少分啦
Post
