Video
Read full review
2018-02-13
1379 views
天寒地凍，真係唔多想郁，只想日日都係CHILL OUT DAY！想平平地搵個地方CHILL OUT，其實都幾難。一個小資女朋友帶左我去一個好地方，喺旺角區彌敦道，地點方便仲平靚正！一出𨋢見到幾個胡桃夾子公仔企定定歡迎我，好有特色！行入去右邊層架上面有好多「小遊戲」整齊排列：Cafe以紅白色為主調，中間有一個「主角」大圓枱，開大會都仲得！除左大廳，原來仲有VIP房，左右兩邊各有一個大長枱連梳化位，啱晒一班人嚟Gathering，夠晒私隱。上嚟時係五點零鐘，仲有下午茶供應，五十幾六十幾就有一個餐，有野食連野飲。朋友話我知，呢度每人最低消費只係一杯野飲，仲要無限時！ 睇睇餐牌最平一杯野飲係$30，真係好抵。舒舒服服傾吓計，玩吓Game或者休息吓，唔駛同人迫，享受一個Chill Out Day，呢度的確係平靚正之選! 因為我地打算食埋晚飯，所以同店員講晏少少會叫晚餐，叫住一客【蜜糖雞翼$58】食先，佢地主動提供熱水俾我地，咁我哋就玩住Board Game輕鬆吓先。【蜜糖雞翼$58】原來有八隻，比想像中多，一上枱就聞到好香蜜糖味，炸到熱辣辣，外皮好香脆。奇怪係我見唔到有蜜糖汁，因為一般蜜糖雞翼都
行入去右邊層架上面有好多「小遊戲」整齊排列：
Cafe以紅白色為主調，中間有一個「主角」大圓枱，開大會都仲得！
除左大廳，原來仲有VIP房，左右兩邊各有一個大長枱連梳化位，啱晒一班人嚟Gathering，夠晒私隱。
上嚟時係五點零鐘，仲有下午茶供應，五十幾六十幾就有一個餐，有野食連野飲。朋友話我知，呢度每人最低消費只係一杯野飲，仲要無限時！ 睇睇餐牌最平一杯野飲係$30，真係好抵。
舒舒服服傾吓計，玩吓Game或者休息吓，唔駛同人迫，享受一個Chill Out Day，呢度的確係平靚正之選! 因為我地打算食埋晚飯，所以同店員講晏少少會叫晚餐，叫住一客【蜜糖雞翼$58】食先，佢地主動提供熱水俾我地，咁我哋就玩住Board Game輕鬆吓先。
【蜜糖雞翼$58】原來有八隻，比想像中多，一上枱就聞到好香蜜糖味，炸到熱辣辣，外皮好香脆。奇怪係我見唔到有蜜糖汁，因為一般蜜糖雞翼都係焗好再淋上蜜糖，呢度係用炸，啲雞翼外皮係乾身特別脆口，但又好香蜜糖味，唔知點整，總之真係好好食。
蜜糖雞翼
$58
27 views
0 likes
0 comments
玩左個幾鐘，睇睇晚餐餐牌一個餐都係$89-125包一杯$30飲品，過額補差價。
我加左一客【鮮雜菜沙律配日式蛋醬$10】顏色靚，沙律新鮮。
朋友加左【忌廉蘑菇湯$12】蘑菇多，忌廉都特別多，好香濃。
叫左兩份晚餐一齊Share食，兩份都好大碟。
【F餐 香蒜忌廉蜆肉煙三文魚意粉$115】蜆肉數一數有成廿隻，真係好誇張吓，味道唔錯。
【G餐 黑松露海蝦帶好意大利飯$125】三件厚帶子加三隻大蝦，可惜黑松露味太淡，有啲失色。
【OREA朱古力曲奇奶昔 +$22】香滑，甜度適中。
【戴安娜花茶 +$28】 紫玫瑰花、紅玫瑰花、洋甘菊，可惜冇小蠟燭㷫住，俾左糖漿調味，如果改做蜜糖會更潤喉。
最後叫埋【特色芝士蛋糕$15】，可以揀紐約芝士蛋糕、藍莓芝士蛋糕、朱古力慕絲蛋糕，實在太飽，但又心思思想食甜品。最後叫左一客朱古力慕絲蛋糕Share，係超好食，個人認為呢個係必加！！
朱古力慕絲蛋糕
$15
10 views
0 likes
0 comments
Post
