群眾小廚 (Closed)

2008-12-20第二次光顧，再試清楚，一句講晒，平靚正！三個人點了招牌荷葉籠仔蒸蝦飯，香煎鴨胸，蒜蓉炒荳苗。當然也要了一人一客超值靚趐啦！趐當然是較為次級的，但大大件，而且好味，算作例湯都抵到爛了。單是一味鴨胸，小食價錢，名飯店水準。籠仔蒸蝦飯名不虛傳，蝦鮮味濃飯底靚，但價錢似同其他餸菜不太匹配。無論如何，以小茶樓收費換來大酒家享受(除環境外)，點計都值。數缺點只有地方稍為迫窄和上菜稍慢而已。