牛知己 (Closed)

元朗咁多好嘢食，今日竟然俾我發現有間好高CP值嘅火鍋放題，位於細就附近，門面光鮮闊落，而且到處充滿聖誕嘅氣氛，坐到入去個人都覺得好醒神呀⋯⋯位置有闊落，唔會坐到人的人，而且可以食足90分鐘，時間絕對充裕啦⋯⋯飲品方便應有盡有，真係每樣試一隻味都唔掂啊！自助式嘅食品，以韓式為多，食品放得好有秩序，乾淨又整齊。冷盤10分惹味，味道充足，又唔會好辣，適合晒香港人嘅口味。自助食嘅火鍋配料好多，最緊要係啲菜好新鮮，而且丸類選擇有都好充足。湯底方面有幾款可以揀有辣有唔辣，任君選擇。到咗我好期待嘅主菜啦，講下點菜嘅方面，可以用電腦之後點菜，食幾多點幾多，唔會浪費，牛肉嗰方面肉質新鮮不在話下，最緊要嘅係入口即化，充滿牛味，我爹哋竟然話從來都未食過咁好嘅牛肉。腩肉方面，望落去雖然好肥，但係估唔到入口既肥膏可以咁爽脆，肉色均勻又剔透，雪白無瑕。呢個五花籃絕對係我嘅至愛。海鮮方面，有我最愛嘅墨魚仔，淡淡鮮香又惹味，入口香噴噴又彈牙。甜品方便仲會有芒果布甸，牛奶布甸，小朋友見到一定好鍾意啦。