Video
Read full review
2022-08-28
147 views
搵到間勁抵食嘅元朗cafe，環境舒服，都幾大間，墻上有好多假花做裝飾，仲有戶外嘅座位，好啱打卡。嘢食抵食又大份，味道都好唔錯，如果屋企樓下有間咁嘅cafe就好啦😆煙三文魚牛油果沙律，$75沙律賣相唔錯，除咗煙三文魚，仲有牛油果、青瓜、各類新鮮蔬菜，慣咗一定要食啲菜先再食其他嘢嘅我，幾乎一個人食晒成個沙律🤣香煎雞扒配忌廉芝士竹炭漢堡及薯條，$75好鍾意呢個漢堡，份量好足之餘，賣相都好好，塊雞扒大到，好似食緊扒咁，加入芝士，好好味，最正係個竹炭包，好有咬口，如果有得單買呢隻包返屋企做早餐就正啦☺️韓汁海鮮意粉配煙三文魚，$75配料有八爪魚、蜆、煙三文魚、蟹柳，配上少少辣嘅韓汁，好惹味。意粉揀咗闊意粉，有咬口又掛汁，非常唔錯😌豚肉腩片、新鮮什菌配日式芥末忌廉汁通粉，$80勁足料，豚肉腩片多到，仲要塊塊都勁大塊，肥瘦適中，好好味。醬汁係忌廉汁，配通粉一流，啖啖都充滿醬汁，連平時麻麻地通粉嘅我都食到停唔到口，不過食完真係好飽🤣小食拼盤，$90非常豐富嘅小食拼盤，推薦人多一定要試，當中嘅網紙春卷、薯絲蝦非常好味，外層炸得勁脆，仲有芝士年糕都好正呀，芝士勁流心。蜜糖燒雞翼，$55好耐冇食燒雞翼啦，一口
煙三文魚牛油果沙律，$75
沙律賣相唔錯，除咗煙三文魚，仲有牛油果、青瓜、各類新鮮蔬菜，慣咗一定要食啲菜先再食其他嘢嘅我，幾乎一個人食晒成個沙律🤣
香煎雞扒配忌廉芝士竹炭漢堡及薯條，$75
好鍾意呢個漢堡，份量好足之餘，賣相都好好，塊雞扒大到，好似食緊扒咁，加入芝士，好好味，最正係個竹炭包，好有咬口，如果有得單買呢隻包返屋企做早餐就正啦☺️
韓汁海鮮意粉配煙三文魚，$75
配料有八爪魚、蜆、煙三文魚、蟹柳，配上少少辣嘅韓汁，好惹味。意粉揀咗闊意粉，有咬口又掛汁，非常唔錯😌
豚肉腩片、新鮮什菌配日式芥末忌廉汁通粉，$80
勁足料，豚肉腩片多到，仲要塊塊都勁大塊，肥瘦適中，好好味。醬汁係忌廉汁，配通粉一流，啖啖都充滿醬汁，連平時麻麻地通粉嘅我都食到停唔到口，不過食完真係好飽🤣
小食拼盤，$90
非常豐富嘅小食拼盤，推薦人多一定要試，當中嘅網紙春卷、薯絲蝦非常好味，外層炸得勁脆，仲有芝士年糕都好正呀，芝士勁流心。
蜜糖燒雞翼，$55
好耐冇食燒雞翼啦，一口氣食咗2隻，好開心，蜜糖同雞翼永遠都係絕配。
綠茶鮮奶，$29
勁濃嘅綠茶味，鮮奶都係，濃郁嘅程度真係好有驚喜，鍾意抹茶嘅人一定要試。
薄荷朱古力咖啡，$39
朋友佢最愛薄荷朱古力，呢度竟然有咁配搭嘅咖啡，杯嘢真係好濃，佢好開心😃。
Post
