百味川 (Closed)

係葵芳梗係要試下出名既百味川啦！午餐時段12 點提早入去，唔使等位。第一次試呢間小店，令人非常滿意同有驚喜。先講個蕃茄湯魚薯粉，個湯好味道我全部飲唒，酸甜度剛剛好，味精唔重，再配冇骨魚片，無論味道、口感、配搭、份量都令人非常大滿足！再配我既飛佛茶走，真係無得頂！眼闊肚窄，本來想叫小食，但店員好心提點可以到左面先決定，以免食唔晒。其實食完碗面真係好飽，個店員好老實有禮，仲話外賣午餐9折。早餐仲開好早5:30 就有早餐食。睇黎我既御用飯堂又多一間了。