韓日屋燒烤放題 (Closed)

每個圈子都總有個糧尾餐廳List，而我同朋友的糧尾韓燒就係呢間韓日屋。無他既，夠平又夠多野食嘛，一間有齊日本野、韓國野，仲想點先？坐底就即點刺生，都算切得好大件，而且睇落夠凍夠新鮮，入口都正常，算係唔錯的放題水準。點左小食，最好味係醬油虎蝦，入口軟綿甘甜，加埋醬油咸香好正，全晚Order左10次以上！牛肉比想像中大片好多，同埋肥瘦分佈均勻，燒完唔會鞋口，辣味同麻醬味都可以試下。除左肉，仲有海鮮可以揀，我個人覺得蝦好味，入口係彈牙，不過因為懶得剝殻，所以食左一轉就收工。