8鍋臭臭鍋 (金巴利道) (Closed)

每次夜晚行過都排到街尾，今次晏就黎食，果然無咁多人，仲可以不限時慢慢食！睇一睇餐牌發現好抵食！本來以為好貴，原來只係88蚊一鍋。我地每人叫左一個鍋。有位友人食滯左，揀左清清地嘅香蒜牛肉鍋，試一試啖湯，好勁蒜味！材料都好多，成盤就黎滿瀉。另一友人偏餓，揀左黑麻油雞鍋，個湯好香麻油味，而且好濃味。較特別嘅係有台灣麵線喺入面，第一次見打邊爐有呢種食材。至於我本來係食藥膳羊肉鍋，可惜未有，就試呢度嘅招牌臭臭鍋啦。揀左唔辣，湯底特別，原來臭臭鍋就係呢個味，入面嘅豬紅同大腸好入味，而臭豆腐真係好臭！另外再加左麻辣臭豆腐同安格斯肥牛，兩樣都係火鍋良伴，而且味道不錯！每個鍋加7蚊就可以有一杯細野飲，揀左奶蓋紅茶，奶蓋偏甜，但都解渴！