山林壽司 (Closed)

今日同朋友一行3人去尖沙咀，當係到煩惱緊食咩好之際，無意中俾我地見到依間新開既壽司店，朋友話決定俾個機會佢試下好唔好食。去到唔算好多人，所以唔洗點等就有得入坐。見到人人張枱都有order刺身拼盤，心諗點依個一定冇死。果然d刺身超級新鮮即叫即切，而且老闆好大方三文魚刺身件件都係厚切大大份，d蝦又大隻又新鮮彈牙，好有驚喜。食完依個已經忍唔住再encore叫多3份其他刺身拼盤，其中一份刺身師傅仲係面頭同我地放左d金箔落去，除左食物新鮮好食之外仲額外多左一份氣派除左刺身拼盤好食之外，我地都都仲試下其他壽司同埋小食，全部都好好味都係水準之上，不過試食左太多款啦不能盡錄～有圖有真相自己去睇吧最最最令我地意想不到嘅係我地3個人喪飲豪食埋單都只係食左$800左右，比我地預期以為一定過千少好多，今時今日係尖沙咀用800蚊就可以食到咁高質素嘅壽司同刺身係邊到搵！！食完依餐之後朋友已經立即同老闆訂左位決定下星期同屋企人再黎食過，咁我都要等佢未出名之前快快手得閒黎食多幾次先～唔係嘅話下次可能就要等位排好耐先有得再食了。