呼吸星球

Open Now

Now Closed

睇電視介紹土瓜灣以前"白宮冰室"個舖位改成咗懷舊嘅日式餐廳,好想即刻去試。從門口嘅裝修已經覺得好有日本feel,好似置身於日本嘅小巷裏面。打開門嘅感覺就完全唔同,係近年至流行嘅mix and match: 有懷舊玩具、有卡位、有長枱、有五光十色嘅吊燈、星球掛飾、單車、騎木馬、懷舊馬賽克地板、日系裝飾、英式擺設…...林林總總，目不暇給。連家燕媽媽後生嗰陣嘅鐵皮日曆板都畀佢搵到,佩服!打完一輪卡,終於點餐。我哋叫咗日式燒酒青檸梳打,好飲!另外,梗係咗最受歡迎嘅"火炙三角燒肉定食",有麵豉湯、漬物、薯蓉同一碗鋪滿和牛片嘅飯,賣相一流,味道仲一流個和牛全靠嗰個柚子汁,點完嚟食即刻減去和牛嘅油膩感,仲帶出鮮味添! 可惜食到尾你會見到個碗充滿肥油,覺得好邪惡咁。不過和牛唔肥又唔好食喎,噢,我呢一刻嘅心情真係好複雜呀…...雖然心情複雜,都要食甜品㗎。我哋叫咗兩杯雪糕,一個芝麻,另一個係"梨酒牛奶雪糕小杯",其實係用梨酒淋喺雲呢拿雪糕上面囉,賣相幾靚，但價錢比味道高🙄你明啦。總結,小貴但好食👍