漁之部屋 (Closed)

入到將軍澳探朋友，順便提早慶中秋，下晏響朋友屋企玩完board game，之後有人就提議食放題。玩到餓晒，食放題就啱晒啦。估唔到呢個新商場入面有間日式放題店，其他舖好多都未開，所以呢間店都相當人多熱鬧。價錢係268加一，好少少肉赤不過物有所值，都回到本。->清酒鮑魚: 一入座冇耐即刻送上每人一隻鮑魚，估唔到喎，咁重本，雖然唔係好大隻，但作前菜都唔錯-> 刺身 最回本: 赤貝/拖羅/生蝦，赤貝非常爽口，鮮味十足，拖羅罕見，不過都係三文魚最正，夠滑夠肥。->手卷: 海膽手卷，海膽份量勁夠，而且唔腥，一口手卷，細細件容易食。->其他: 辣炒蜆/清酒煮蜆/焗蠔/蝦天婦羅炒蜆細細隻但隻隻都有肉唔會得殼，焗蠔係超正，熱辣辣味道剛好，其他料理都正! 天婦羅爆漿鬆化，唔會食到好油，水準以上。->甜品 有好多甜品揀，除左原先任食嘅甜點，仲有一張雪糕甜品紙係每人限叫一款，movenpick雪糕或milk top雪糕，仲補幾款口味，好似出面都賣得貴，所以最後勁飽都要食埋先講。幾正。呢間放題質素係幾正! 不過市區無分店，略嫌遠左少少，如果入開嚟玩都ok。