佛教慈心素食 (Closed)

食素慶祝生日！其實生日都係個藉口！最重要係聚下！之前嚟慈心素食食過晚餐！覺得好岩食！好中意呢類小店！家庭式小店，感覺好好！今日嚟食午餐！12點到。第一枱客人！野食大概有十多款熱食。湯。粥。麵。飯都有兩款！仲有啲餃子，蘿蔔糕，紅菜頭糕。酸齋。鬆糕！仲有糖水架！粉葛蘋果湯好好飲👍🏻好清甜好足料有好多豆，栗子，腰果，又有得食又有得飲！飲左兩碗呀！有味飯都好好食有豆，菇，薑！加埋有口感有好味！粥又係勁多豆，合桃，百合！好岩食！不過如果係甜食，我地仲中意😆上次嚟太飽食唔到鬆糕！今次要試試。食左黑色，望落似芝麻。不過無咩味！一般！但朱古力味就幾好食！食到飽嘅時候見到新鮮拎出嚟嘅玫瑰花樣嘅餃！但太飽食唔落！希望下次嚟有機會試下！其實素食都可以好好食！老闆娘見我地係慶祝生日。特登拎左啲鬆糕比我地！好窩心😊見好多客人同老闆娘有傾有講！感覺真係好屋企feel...今次我都同老闆娘傾左陣。我地得閒一定再嚟！