道頓堀御好燒專門店 (荃灣廣場) (Closed)

呢晚訂枱同朋友慶祝生日，因為人數眾多，被安排到房間就座，私隱度高，唔怕騷擾到其他食客。大家可以DIY製作自己專屬既御好燒、廣島燒同文字燒。其實製法都係大同小異，將基本材料攪勻，直接倒落鐵板上面煎，每5分鐘反一反以免煎燶，15分鐘後淋上日式醬汁、蛋黃醬，再撒埋海苔粉、鰹魚粉就大功告成。御好燒醬汁香口，外脆內軟，啖啖材料好豐富！不過，記得要落足眼力去睇火，一不留神就好容易煎燶，真係少啲功夫都唔得！但假如對自己嘅手勢同廚藝無咩信心，店員都好樂意幫忙。全晚都忙於製作燒餅，其實所有燒餅都係同一隻味，不過味道係其次，同朋友一班人笑下﹑食下，開開心心又一晚！