Video
Read full review
2016-03-05
312 views
今晚是慶祝男友的生日飯，當然要揾間食得好少少的飯店啦！之前我們都有去過食潮福，覺得都唔錯(係價錢貴啲)，咁就選址潮福慶祝啦！其實呢度都有啲海鮮精選套餐，如果想試多幾款不同的海鮮又唔想一下唔小心食到over budget的，都會是一個唔錯的選擇。不過麻麻地粥底的我們又唔想浪費左個粥底，都是選擇了散叫。游水生猛海鮮講得出的都幾乎有，大肉蟹呀、大鮑魚呀、大石蠔呀、龍躉魚呀、象拔蚌呀和馳名(粗過大姆指)的花竹蝦都有！不過花竹蝦價格亦不菲，通常叫了三隻已經要400多元，於我就有點吃不消了。選好食物就可以到自助調味台調番個心水醬。蟶子皇是必食推介！識食一定是食它！超大隻蟶子個殼長過手掌，蟶子肉粗過粗過筷子！用來開邊蒜蓉清蒸夠曬原汁原味，而且蟶子皇新鮮味道鮮甜到不得了！口感清新而且火侯剛好，爽口而且肉質緊緻是令我着迷之處！而且配以粉絲，飽肚啲之餘，粉絲會吸收了蟶子的鮮味，認真正！蒜蓉開邊蒸龍蝦仔應該是最令我想再來潮福的一個菜式了！雖然我聽到隔離枱班師太係咁彈劾它，話細隻唔夠食，早知點大龍蝦，又話喺澳洲食嗰啲好食好多。但是，大佬，呢隻龍蝦，一隻先收98蚊，但是它新鮮爽口彈性又夠鮮味，仲想點先？肉質雪白
其實呢度都有啲海鮮精選套餐，如果想試多幾款不同的海鮮又唔想一下唔小心食到over budget的，都會是一個唔錯的選擇。不過麻麻地粥底的我們又唔想浪費左個粥底，都是選擇了散叫。
游水生猛海鮮講得出的都幾乎有，大肉蟹呀、大鮑魚呀、大石蠔呀、龍躉魚呀、象拔蚌呀和馳名(粗過大姆指)的花竹蝦都有！不過花竹蝦價格亦不菲，通常叫了三隻已經要400多元，於我就有點吃不消了。
選好食物就可以到自助調味台調番個心水醬。
蟶子皇是必食推介！識食一定是食它！超大隻蟶子個殼長過手掌，蟶子肉粗過粗過筷子！用來開邊蒜蓉清蒸夠曬原汁原味，而且蟶子皇新鮮味道鮮甜到不得了！口感清新而且火侯剛好，爽口而且肉質緊緻是令我着迷之處！而且配以粉絲，飽肚啲之餘，粉絲會吸收了蟶子的鮮味，認真正！
蒜蓉開邊蒸龍蝦仔應該是最令我想再來潮福的一個菜式了！雖然我聽到隔離枱班師太係咁彈劾它，話細隻唔夠食，早知點大龍蝦，又話喺澳洲食嗰啲好食好多。但是，大佬，呢隻龍蝦，一隻先收98蚊，但是它新鮮爽口彈性又夠鮮味，仲想點先？
肉質雪白要肉有肉要膏有膏，算係咁啦！而且只收98蚊，我覺得都好滿意啊！原諒我未去過澳洲嘆深海大龍蝦吧！
象拔仔原本我都好期待的，話曬見到佢噴曬水，郁下郁下咁新鮮咁。不過可能蒸得over左小小了，食落有點韌，似橡筋多過象拔囉，我就麻麻地啱食。不過男友牙齒伶俐啲，就覺得ok 喎。呀，同埋太多蔥囉，放番蒜蓉應該會好味啲。
蒸雞反而有驚喜。順德蒸污糟鮮雞半隻收費148元尚算合理，加進了薑絲和杞子來調味，感覺幾滋補(不過唔明點解叫污糟雞？)雞塊完整好多，無上次食咁碎濕濕，較有血感，食得暢快好多。
味道天然清淡，因為只以薑絲作調味，所以更食到雞的原汁原味，我覺得都ok,男友覺得味道較淡。
蒜蓉肉蟹蒸糯米飯是我期待已久望穿秋水終於食到！話說我之前一直要介口，問食得糯米，所以唔食得呢個！finally,今日終於食到你了！從蟹的大小香色澤，它應該就是頭先我見到的超大隻黑麻麻的蟹了！蟹手蟹腳半伸開，都足足覆蓋整個蒸籠就知幾架勢！
新鮮蒸的蟹有幾好食就大家都知，而且夠大隻啖啖肉有幾爽亦不用多說。倒是純白色的糯米飯我是第一次試，平常吃的都是炒過的，原來我鍾意食純白的！一來無我唔食得的臘味臘腸，二來蒸的話保證是我鍾意的爛飯質感，最好如粥如糊咁。呢度嘅糯米飯尚算軟腍留有顆粒咬感，煙煙韌韌的，特別好食！不過，男友食慣加到滿滿臘腸的糯米飯，就覺得呢個淡左啲，唔係幾啱佢喎。
話曬生日，整返個原籠蒸馬拉糕當蛋糕囉！(其他係我自己想食(≧∇≦) )
咁我估呢個糕應該唔係自己整，同一般酒樓一樣，都是攞貨，味道是黑糖味，唔會太甜，蒸出來唔算鬆，算夠軟，好夠飽。不過佢切出來的大小好參次囉。潮福蒸氣石鍋:
新蒲崗寧遠街10-20號渣打銀行大廈地下F號舖
Post
