Macaroni Dessert Bar (Closed)

其實2週年無plan做乜~就諗住喺紅磡隨心搵嘢食~經過呢間Macaronin desset bar~就入咗去試喇~環境都幾有格調~啲櫈幾大張~坐得都幾舒服~Menu都幾多選擇~ 只要加60蚊,就可以轉餐~是日餐湯係西蘭花忌廉湯配黑松露牛油法包~餐湯有淡淡嘅西蘭花味~好清新~個法包好好味~我哋揀咗 香煎龍蝦拼牛小排配燒烤汁 牛小排好好味~唔會整到好熟,好林又唔韌~雖然薄薄哋~但都幾大塊,仲有2塊~龍蝦我就覺得一般,可能係佢個燒烤醬~我覺得唔太夾~但都唔係唔好味~只係個醬唔啱我~隻龍蝦都有膏喎~掛住食都無影到~之後我哋再叫咗個 皇室和牛漢堡好好味~食到好濃烈嘅和牛味~平時食漢堡我會走洋蔥呀,酸瓜呀嗰啲~但今次又唔記得咗走喎~但又幾好味喎~食落啲生洋蔥係甜,酸瓜都無搶咗啲味道去嘢飲我叫咗 玫瑰梳打~好靚得嚟又唔太甜~讚套餐個甜品係Tiramisu~我就唔太食Tiramisu~所以加錢轉咗鐘意嘅甜品~我轉咗鮮果拿破崙~好好味啊~食到我lam lam脷~好滿足又高質素嘅一餐~大家可以一試啊~