喜棧 (Closed)

今個周末打算去嘉道理農場郊遊，對於沒有車牌的筆者夫婦，最佳選擇就是到大埔墟火車站轉巴士（當然，豪一點搭的士也可以）。趕時間，只好在就近的商場隨便找一間小店，來個快捷午餐；誤打誤撞揀了最近商場門口的「喜棧」。小店主打粥麵，面積雖然細小，但裝修是典型新派港式粥麵店格局，幾骨子。坐低後看看餐牌，才想起原來上一次曾經幫襯過銅鑼灣分店，那次的經驗只是麻麻哋。雖然主打廣東粥粉麵，但粥品款式未至於非常豐富，很多普遍的粥料例如鮮滑牛、豬腇都沒有；反而多了醒神早餐、小菜套餐（晚市）及午市碟頭飯套餐，睇嚟租金因素佔了很大原因，需要增加食物種類吸納更多客源。乾炒牛河（$56）睇賣相已經唔係好得，老抽份量太少，顏色唔夠深。食落口河粉唔夠乾身、很黏口，又有點油淋淋、兼且嗆喉；明顯食油質素唔係太好。味道淡口，河粉炒得唔夠香，整碟牛河比很多普通茶餐廳還要差，唯一可取之處是牛肉的質素，並沒有下了過量鬆肉粉，總算保留了鮮牛味道。鮮鯇魚腩粥（連一款小食 $56）的味道尚可，但粥底綿爛得有點過分，及不上馳名粥店煲了幾個鐘的粥底，反而似是磨了米漿煲出來的粥，滑溜得來不夠綿密、也缺少了米香及糜爛米粒的口感，甚至有一點似嬰孩的米