浪人日本料理 (Closed)

星期六晚一個鐘前都訂到枱，本應聞到味。但係朋友講過ok，所以冇太在意...嚟到（直到走嗰時）都只有很少人，壽司吧更加一個人都冇，兩個師父係到傾計...唔緊要，可能long weekend 少人出嚟食飯。坐低點菜，點了十貫壽司和燒明太子。服務員哥哥sell個喜之次一夜干，ok試下囉。想食免治月見鷄棒，竟然冇。好，再叫個燒飯糰，都無...真心無奈。其實唔供應咪唔好寫落menu囉，貴精不貴多。十貫壽司：可能無叫前菜（燒明太子？）上菜慢咗啲，但係味道ok嘅，係性價比低啫。燒明太子：全熟，冇晒香味。一夜干：又係冇咗條魚應有嘅味道...咁神奇嘅？但係仲肚餓，之後再加咗個燒明太子雞翅。係ok嘅，乾咗啲。（服務員都唔知今晚有無貨要問廚房😥）總結：一半菜式點唔到，一半菜式唔ok，價格偏貴。可能叫唔中佢啲招牌菜...? 但係應該唔會再知道，因為唔會再嚟lu。