Video
Read full review
2019-12-10
347 views
IACA Superfood Bar #灣仔依家非常流行健康飲食，açai bowl係其中一個深受歡迎嘅Superfood，含有豐富嘅antioxidant，較其他生果低糖，有助腸臟健康。一直都聽到好多人話açai bowl好好食，終於有機會試！其實açai bowl主要就係用açai 呢一隻生果整成嘅smoothie，再加上各種toppings。今次呢一間非常特別，除咗傳統嘅açai 之外，仲有好新奇嘅cupuaca bowl同埋pitaya bowl，其中açai同埋cupuaca bowl仲可以兩溝嘅添。今次食嘅呢一款就係açai同埋cupuaca bowl兩溝 $68 (medium size)成份包括有açai同埋cupuaca粉、香蕉、士多啤梨、藍莓、自家製燕麥、椰子亞麻籽布甸、奇異果、椰子片、生朱古力碎。Açai 嗰邊比我想像中冇咁酸，莓嘅味道其實唔算強，但係配上甜甜地嘅燕麥片食都唔錯。而cupuaca嘅味本身唔濃，同香蕉一齊整成smoothie之後，味道主要比香蕉蓋過。所以我覺得成碗最主要唔係食個味道，而係嗰種綿綿沙冰嘅口感，配上健康嘅燕麥同埋生果一齊食，感覺清新，啱晒
依家非常流行健康飲食，açai bowl係其中一個深受歡迎嘅Superfood，含有豐富嘅antioxidant，較其他生果低糖，有助腸臟健康。一直都聽到好多人話açai bowl好好食，終於有機會試！
其實açai bowl主要就係用açai 呢一隻生果整成嘅smoothie，再加上各種toppings。
今次呢一間非常特別，除咗傳統嘅açai 之外，仲有好新奇嘅cupuaca bowl同埋pitaya bowl，其中açai同埋cupuaca bowl仲可以兩溝嘅添。
今次食嘅呢一款就係açai同埋cupuaca bowl兩溝 $68 (medium size)
成份包括有açai同埋cupuaca粉、香蕉、士多啤梨、藍莓、自家製燕麥、椰子亞麻籽布甸、奇異果、椰子片、生朱古力碎。
Açai 嗰邊比我想像中冇咁酸，莓嘅味道其實唔算強，但係配上甜甜地嘅燕麥片食都唔錯。而cupuaca嘅味本身唔濃，同香蕉一齊整成smoothie之後，味道主要比香蕉蓋過。
所以我覺得成碗最主要唔係食個味道，而係嗰種綿綿沙冰嘅口感，配上健康嘅燕麥同埋生果一齊食，感覺清新，啱晒追求健康飲食嘅人士。
由於呢一間係我第一間食嘅açai bowl，所以未能作出比較，但係第一次食來講，覺得味道不過不失，未到好想食多次，會寧願試吓其他嘅açai bowl。
不過呢間小店氣氛好舒服，入面嘅裝修好田園感覺，而且仲幫住一啲放鬆心情嘅音樂，外國嚟嘅店主仲會同你介紹一下佢哋嘅açai bowl，特別係佢哋連皮食嘅奇異果！佢哋非常主張奇異果應該連埋皮一齊食，而佢哋係會幫你批左啲毛，佢哋話咁樣有更加多營養纖維。
味道: 3.4/5
性價比: 3.8/5
Açai x Cupuaca bowl
$68
57 views
1 likes
0 comments
Post
