HON10 (Closed)

週六傍晚跟父母一同參與於金鐘太古商場舉行o既試酒活動。飲完三大口香檳後大感意猶未盡，三口子就走咗入去攤位旁o既一間日本餐廳「HON10」轉飲日本清酒配和食。店子正門身後為壽司吧。入內o既大堂樓底極高，裝潢新潮光鮮，乾爽舒適。年輕o既服務生友善好客，送上餐牌時亦不忘推介美食靚酒，對要求多多o既大肥爸爸仲好有耐性添。由於之前試酒時真係有少少到喉唔到肺，靚靚媽咪就提議開樽家人一向飲開o既「梵吟撰特別純米」日本清酒。下午六點鐘天色都未轉暗，食晚飯確真係早咗啲，結果就邊飲邊叫邊食。眼見厚厚o既餐牌附有靚相，XO仔就好懶地睇圖點菜，由壽司到甜品都一樣。極上壽司拼盤（$458/十二件）：壽司拼盤三人分享，每人可試四款，結論十二款壽司均質高鮮美。火炙A4和牛配香蒜柑橘醬油（$218）：和牛薄片軟潤香甜，連同半透明o既生洋蔥食又能增添惹味爽脆，極之美味！大蝦野菜天婦羅拼盤（$128）：天婦羅拼盤內只有兩隻大蝦，小肥當然係好孝順地留俾雙親慢慢享用啦！天婦羅冬菇炸得外層乾脆，菇身爽軟，勁啱細佬口味！銀雪魚西京燒（$138）：銀雪魚肉質鮮嫩幼滑，帶甜o既調味亦非常討好。炸九州雞翼配甜醬油及黑七味（$88）：貌