Video
Read full review
2009-12-28
8 views
聖誕節嚟到，大舅建議一家人喺Boxing Day到佢居企食吓嘢 Gathering 一吓，但係唔知點解作客嘅我同太太要負責食物! 真係奇怪! 聖誕節咁梗係要食D西人嘅食物啦，太太就提議芝脆雞。精打細算嘅太太發現原來外賣速遞比自取平$40! $40喎而且又無速遞等咁耐，咁咪自取囉! 點知都係出事!!訂咗7:15PM攞，因為我間唔中都會叫Pizza，都知一定會遲，咁咪7:25先去攞囉，去到重未得喎! 咁俾咗錢先，呢D日子會特別Busy，個妹妹又話已經包緊俾我，等多一陣無所謂啦。我就企定定正正係個收銀旁邊等，等咗5分鍾，不段有好多好多大包細包嘅外賣由廚房拎出嚟，重放到成個櫃枱滿晒! 其中有大包嘅分量同我叫嘅嘢差唔多，問吓個收銀妹妹等未呀? 望都無望推外賣就話包緊等多陣，好再等5分鍾。櫃枱有3個妹妹，一個收銀，一個疑似高級D嘅聽外賣電話，一個喺佢兩個後面遊魂同傾電話，等多5分鍾唔對路喎，申個頭望吓廚房包緊D咩，個疑似高級嘅妹妹用好串嘅語氣問︰「先生有咩幫到你?」，我當然又問返同一個問題，但佢嘅回覆竟然同收銀妹妹一樣，望都無望推外賣就話包緊等多陣!! OK! 再等10分鐘! 忍無可忍下問後面一直
聖誕節嚟到，大舅建議一家人喺Boxing Day到佢居企食吓嘢 Gathering 一吓，但係唔知點解作客嘅我同太太要負責食物! 真係奇怪!
聖誕節咁梗係要食D西人嘅食物啦，太太就提議芝脆雞。精打細算嘅太太發現原來外賣速遞比自取平$40! $40喎而且又無速遞等咁耐，咁咪自取囉! 點知都係出事!!
訂咗7:15PM攞，因為我間唔中都會叫Pizza，都知一定會遲，咁咪7:25先去攞囉，去到重未得喎! 咁俾咗錢先，呢D日子會特別Busy，個妹妹又話已經包緊俾我，等多一陣無所謂啦。我就企定定正正係個收銀旁邊等，等咗5分鍾，不段有好多好多大包細包嘅外賣由廚房拎出嚟，重放到成個櫃枱滿晒! 其中有大包嘅分量同我叫嘅嘢差唔多，問吓個收銀妹妹等未呀? 望都無望推外賣就話包緊等多陣，好再等5分鍾。櫃枱有3個妹妹，一個收銀，一個疑似高級D嘅聽外賣電話，一個喺佢兩個後面遊魂同傾電話，等多5分鍾唔對路喎，申個頭望吓廚房包緊D咩，個疑似高級嘅妹妹用好串嘅語氣問︰「先生有咩幫到你?」，我當然又問返同一個問題，但佢嘅回覆竟然同收銀妹妹一樣，望都無望推外賣就話包緊等多陣!! OK! 再等10分鐘! 忍無可忍下問後面一直發夢嘅妹妹，俾張收據佢同佢講我等咗25分鐘，點解要咁耐嘅? 佢竟然回答呢張唔係單嚟嫁喎，咁我又同佢講我叫咗D咩，佢先識去搵，搵咗一陣先走過來問我落訂電話幾多号，終於攞到我嘅外賣，就係喺正我面前嗰推大包細包嘅其中一包，而且放咗係度足足20分鐘。唔知係放得耐，定係係我等到一肚火飽咗，連平時幫襯開嘅Pizza都覺得無好食!
環遊世界Pizza – 平時都有食呢度嘅Pizza，覺得比Pizza乞好食，呢次可能失手啦!
炸雞 – 外層炸到超熱氣，有D過火，內層雞肉重有肉汁嘅，算係唔差啦。
百里香焗豬肋骨 – 超難食，D肉用落咗鬆肉粉，重有好多味精味!
小食拼盤 - 難食，可能因為放得太耐，春卷、咖哩角淋晒!
波菜龍利柳焗飯 - 鹹! 龍利柳似鹹魚!
淨係得Pizza好食 同 炸雞合格，其他不試為妙!
Post