林仔茶檔 (Closed)

聽完講座時間已經唔早， 大家 匆匆忙忙的沒有一起吃飯， 唯有自己係彌敦道覓食。 被這間餐廳的圖片所吸引， 好多款式 咩都有得食😃😃餐廳簡潔明亮 乾淨企理， 見到隔離枱2位食緊招牌炸子雞， 吃得津津有味，加個焗豬扒飯， 似乎唔錯。仲有人喺度食緊炒牛河見到都幾大碟。 毫無頭緒諗唔到選擇乜嘢， 店員姐姐好好人，推介小菜套餐， 有一個小炒 包一碗飯、中湯、飲品。西蘭花帶子大蝦球，蝦肉真係大大隻， 而且爽口彈牙， 帶子嘅份量都唔少， 西蘭花青嫩翠綠， 好爽口冇青味， 最鍾意去落咗少少韭黃，有傳統大排檔嘅風味。 另外中湯真係好足料，而且夠熱夠味， 近排天氣潮濕， 老黃瓜排骨湯真係好合時，大大碗好滿足。 熱檸蜜非常滋潤， 最重要係新鮮檸檬味道突出。