Video
Read full review
2019-07-10
6901 views
早前同朋友傾計，係附近返工嘅佢講起荔枝角新開咗呢間意大利餐廳，仲大讚幾唔錯。咁岩我要幫人慶生，煩惱緊去邊到慶祝，就諗起pici。後來先知原來pici嘅意粉都幾出名，仲有幾間分店。幫襯前有望過下食評，知道無得book位，要人齊先入座，好彩當晚唔使等，可以即時入座。-餐包店員會問要咩醬料，唔太確定係咪橄欖油同黑醋，兩款醬溝埋都可以。不過自問真係唔太食得慣，所以將餐包蘸過下醬汁試食後就無再試。每塊餐包長度同手掌心差唔多，口感有點韌，自己都係鍾意外脆內軟嘅麵包多啲。-秘製肉丸講起肉丸就會諗起某大型傢俬店，但我唔算太着迷個間嘅肉丸。而pici嘅肉丸混合咗豬肉同牛肉，即使有大量茄醬包裹住，都唔會掩蓋哂肉香。入口比想像中鬆軟，配上磨得細碎嘅巴馬臣芝士，淡淡芝香係口腔漫延，唔會太膩。-經典千層麵講起千層麵就會諗起加菲貓，小學成日睇，每次見到都會好想食haha。千層麵份量比想像中細，焗烤時間可能太耐，邊緣位好多都焗燶咗。可能係碗底太淺關係，食物層次唔多，無乜千層麵感覺。不過牛肉醬係幾足料，麵嘅口感都不錯，厚身帶少少韌性，建議芝士份量可以再重手啲。-Sicilian Sunrise店員推薦呢杯飲品，我地就
咁岩我要幫人慶生，煩惱緊去邊到慶祝，就諗起pici。
後來先知原來pici嘅意粉都幾出名，仲有幾間分店。
幫襯前有望過下食評，知道無得book位，要人齊先入座，好彩當晚唔使等，可以即時入座。
-餐包
店員會問要咩醬料，唔太確定係咪橄欖油同黑醋，兩款醬溝埋都可以。不過自問真係唔太食得慣，所以將餐包蘸過下醬汁試食後就無再試。
每塊餐包長度同手掌心差唔多，口感有點韌，自己都係鍾意外脆內軟嘅麵包多啲。
-秘製肉丸
講起肉丸就會諗起某大型傢俬店，但我唔算太着迷個間嘅肉丸。
而pici嘅肉丸混合咗豬肉同牛肉，即使有大量茄醬包裹住，都唔會掩蓋哂肉香。
入口比想像中鬆軟，配上磨得細碎嘅巴馬臣芝士，淡淡芝香係口腔漫延，唔會太膩。
-經典千層麵
講起千層麵就會諗起加菲貓，小學成日睇，每次見到都會好想食haha。
千層麵份量比想像中細，焗烤時間可能太耐，邊緣位好多都焗燶咗。
可能係碗底太淺關係，食物層次唔多，無乜千層麵感覺。
不過牛肉醬係幾足料，麵嘅口感都不錯，厚身帶少少韌性，建議芝士份量可以再重手啲。
-Sicilian Sunrise
店員推薦呢杯飲品，我地就好乖咁叫咗。
餐牌寫呢杯係由橙汁、雲呢拿同石榴汁混合而成，橙黃清新，有夏日氣息。
老實講飲落好似便利店思樂冰味，味道算正常，可惜冰量太多，好快飲完。
經典千層麵
$130
58 views
0 likes
0 comments
Sicilian Sunrise
$55
49 views
0 likes
0 comments
餐包
61 views
0 likes
0 comments
經典千層麵
$130
58 views
0 likes
0 comments
秘製肉丸
$90
44 views
0 likes
0 comments
秘製肉丸
$90
43 views
0 likes
0 comments
Other Info. :
店員幾乎都係外國人，全程用英文交流。
雖然唔太聽得明，但態度好好，又會推薦下菜式。
當晚我拎住蛋糕，店員見到好主動問我需唔需要冷藏住先，仲唔使收切餅費。
後來叫店員上蛋糕，點知出動咗一班店員一齊捧住蛋糕唱生日歌，好有心又好好笑。
盛載蛋糕嘅碟寫住祝福字句，事前我係無同餐廳講過會慶生，所以完全唔知會有呢啲安排，勁窩心。
佢地又送咗張即影即有合照比我地，攝咗係生日卡入面，生日卡仲有全體員工簽名同一張100蚊coupon，好驚喜。
成個安排真係令慶生活動昇華不少haha，服務絕對係滿分。
(The above review is the personal opinion of a user which does not represent OpenRice's point of view.)
Post
