Video
Read full review
2023-08-31
1070 views
好味指數😋😋😋回頭指數 ⭐️⭐️開心指數🤗🤗🤗 Weekend 去荃灣逛，下午茶時間未諗到食咩，因為唔想太嘈吵多人又擠迫，見到呢間店感覺都幾舒服，就去試吓！因為假日只有午市套餐冇下午茶，見到D item 都想食，都冇特別理係咪下午茶。🍴台式牛肉麵（$86）其實同正常價位差唔多，不過有一杯南投小農紅茶或彰化茉莉綠茶。牛肉麵湯底正常， 牛𦟌份量okay都鹵得入味又夠淋，麵都幾爽口，唔錯！ 菜脯同雲耳涼菜都幾好味～🍴招牌排骨配白飯（$78）排骨都幾大塊，炸得好香脆，不過乾咗少少～🍴南投小農紅茶加珍珠（+$5）茶味唔夠香，珍珠煮得唔錯有咬口。🍴小農珍珠奶茶（+$19）茶底一樣，唔夠茶香，用奶精勉強搭夠個味！🍴熱小農紅茶拿鐵（$29）都係茶底一樣，因為用鮮奶冇奶精咁濃味，變咗成件事再淡D！餐廳夠闊落，下午茶時間雖然將客人坐埋一邊，有D 位唔俾坐，但都坐得舒服。不過遇到隔離檯有小插曲，客人睇到餐牌先知道有最低消費$50唔計加一，客人想叫$4x 嘅嘢唔得，要佢叫多個小食搭夠數，我觀察到店員嘅態度都唔係太好，令個客人火上加油話「幾蚊我就咁俾你啦」嘅說話，最後客人好嬲咁走咗。睇一睇餐牌，佢嘅甜品係$3x-$
回頭指數 ⭐️⭐️
開心指數🤗🤗🤗
Weekend 去荃灣逛，下午茶時間未諗到食咩，因為唔想太嘈吵多人又擠迫，見到呢間店感覺都幾舒服，就去試吓！
因為假日只有午市套餐冇下午茶，見到D item 都想食，都冇特別理係咪下午茶。
🍴台式牛肉麵（$86）
其實同正常價位差唔多，不過有一杯南投小農紅茶或彰化茉莉綠茶。牛肉麵湯底正常， 牛𦟌份量okay都鹵得入味又夠淋，麵都幾爽口，唔錯！ 菜脯同雲耳涼菜都幾好味～
台式牛肉麵
$86
88 views
0 likes
0 comments
🍴招牌排骨配白飯（$78）
排骨都幾大塊，炸得好香脆，不過乾咗少少～
招牌排骨配白飯
$78
28 views
0 likes
0 comments
🍴南投小農紅茶加珍珠（+$5）
茶味唔夠香，珍珠煮得唔錯有咬口。
🍴小農珍珠奶茶（+$19）
茶底一樣，唔夠茶香，用奶精勉強搭夠個味！
🍴熱小農紅茶拿鐵（$29）
都係茶底一樣，因為用鮮奶冇奶精咁濃味，變咗成件事再淡D！
南投小農紅茶
20 views
0 likes
0 comments
餐廳夠闊落，下午茶時間雖然將客人坐埋一邊，有D 位唔俾坐，但都坐得舒服。不過遇到隔離檯有小插曲，客人睇到餐牌先知道有最低消費$50唔計加一，客人想叫$4x 嘅嘢唔得，要佢叫多個小食搭夠數，我觀察到店員嘅態度都唔係太好，令個客人火上加油話「幾蚊我就咁俾你啦」嘅說話，最後客人好嬲咁走咗。睇一睇餐牌，佢嘅甜品係$3x-$4x，嘢飲最貴係$4x，即係唔可以淨係入去飲嘢或者食甜品，除非叫佢嘅黑糖麻薯鬆餅啦... hmm...
Post
