Video
Read full review
2021-01-24
2247 views
講德國餐廳一定會諗起呢一間！我之前嚟過happy hour飲嘢，但係未試過喺入邊食嘢，今次就特登book咗位夜晚同朋友慶祝生日。餐廳裝修好有西式格調，成間係最搞笑係對面有一枱比較大年紀嘅食客盛裝打扮，講緊係着晒西裝同晚禮服😂仲要帶埋自拍光圈燈瘋狂喺餐廳入邊影相，問個經理佢哋咩事，個經理勁風趣幽默講話佢哋係K”OLD”L，真係笑死我😂我哋嗌左幾樣特色德國菜式，包括唔少得嘅德國豬手、咖喱農夫包、德國大香腸、同埋小食拼盤等等。先講德國豬手，外皮香脆，而豬手肉質感嫩滑，而且非常大舊，配埋啲鹹酸菜一流；咖喱農夫包亦都係我另一個最愛，農夫包好食，而咖喱味濃郁，仲要好多配料喺入邊，可以選擇撈飯食或者dip包食；德國大香腸拼盤有唔同類型嘅香腸，俾你一次過試晒咁多款口味；而小食拼盤都係嗰啲薯條炸嘢，同朋友分享嚟食就夠晒開心！因為要同朋友慶祝生日，本身一嚟到嘅時候已經問餐廳有咩蛋糕，經理就好好咁推介左一個廚房自家製開心果蛋糕俾我哋，而呢個蛋糕大約1.5磅到，仲要係餐牌冇嘅，真係要問啲店員先知當日有冇，而且價錢算合理，仲可以有寫名嘅生日牌同埋現場生日歌播放，所以如果都想同朋友慶祝埋生日，就可以早啲打去問吓餐
餐廳裝修好有西式格調，成間係最搞笑係對面有一枱比較大年紀嘅食客盛裝打扮，講緊係着晒西裝同晚禮服😂仲要帶埋自拍光圈燈瘋狂喺餐廳入邊影相，問個經理佢哋咩事，個經理勁風趣幽默講話佢哋係K”OLD”L，真係笑死我😂
我哋嗌左幾樣特色德國菜式，包括唔少得嘅德國豬手、咖喱農夫包、德國大香腸、同埋小食拼盤等等。先講德國豬手，外皮香脆，而豬手肉質感嫩滑，而且非常大舊，配埋啲鹹酸菜一流；咖喱農夫包亦都係我另一個最愛，農夫包好食，而咖喱味濃郁，仲要好多配料喺入邊，可以選擇撈飯食或者dip包食；德國大香腸拼盤有唔同類型嘅香腸，俾你一次過試晒咁多款口味；而小食拼盤都係嗰啲薯條炸嘢，同朋友分享嚟食就夠晒開心！
德國豬手
58 views
0 likes
0 comments
咖喱農夫包
54 views
0 likes
0 comments
德國香腸拼盤
73 views
0 likes
0 comments
小食拼盤
68 views
0 likes
0 comments
因為要同朋友慶祝生日，本身一嚟到嘅時候已經問餐廳有咩蛋糕，經理就好好咁推介左一個廚房自家製開心果蛋糕俾我哋，而呢個蛋糕大約1.5磅到，仲要係餐牌冇嘅，真係要問啲店員先知當日有冇，而且價錢算合理，仲可以有寫名嘅生日牌同埋現場生日歌播放，所以如果都想同朋友慶祝埋生日，就可以早啲打去問吓餐廳有咩蛋糕。呢個開心果蛋糕非常有驚喜，佢係開心果味嘅mousse，味道唔會太甜，但係就非常有開心果味，仲有啲開心果碎，講真出邊都未必買到呢個質素嘅蛋糕，我同朋友都食得好開心！
自家製開心果蛋糕
76 views
0 likes
0 comments
最令我呢個酒鬼開心係嗰陣做緊德國啤酒節推廣，一個價錢可以去唔同分店度飲draft beer，總共有10杯，初初諗住今次未必飲得晒可以留返下次飲，點知原來今晚咁高興，大家一次過就飲晒10杯500ml啤酒，我揀呢隻德國啤酒麥味適中，自己個人來講幾鍾意，整體感覺好滿意，尤其是店員服務態度，佢嘅風趣幽默令我覺得樂而忘返！
德國啤酒
76 views
0 likes
0 comments
Post
