Swissbeck (Closed)

某一晚，老公說買了些甜品給我吃，時常爬文的我一看，咦那是大熱的Cronut呢，即是牛角包爸爸跟冬甩媽媽生出來的的混血BB，真趣緻。不過原來它被Swissbeck收養後，出世紙改埋名叫Rohnut，故事就係咁(完)。在我眼睛閃閃發亮準備開動之際，老公又繼續同我分享......「那店的店員呢......好可愛架，她同我講先生買二送一呀，一定係因為我靚仔......」哦明哂，唔怪得我地有三個Rohnut，我係咪要多謝可愛店員?(我老公會唔會以為買二送一的"一"是可愛店員?)見我老公笑成咁，我相信他未食都已經覺得好食啦。雖然他吃第一口果然立刻尖叫﹕「好...食...呀...」------------------------------這晚，我們各吃了一個原味Rohnut，外層是層層疊疊的酥皮，中層是像冬甩軟軟又帶點煙韌，可能是新鮮的關係，造成酥脆而鬆軟的口感。內層是忌廉吉士，一暖一冷加上牛油香，再加上外層的粗糖粒，口感十分豐富，很過癮。第二天，老公可能是想起可愛女孩的笑臉，私下處決另一個巧克力口味的。他說放進雪櫃裏吃，加上是巧克力口味，又是另一個味覺的享受。唯一的缺點係好肥膩，而又因為好味會獨