廟街玉子燒 (Moved) New Location

去廟街食嘢你會諗到咩？煲仔飯？蠔餅？牛雜？小菜.......？我之前都以為淨係得呢啲選擇，依家多咗樣啦！就係玉子燒！！鋪位基本上係冇堂食，但門外有放幾張凳比客人坐係到食，坦白講真係冇咩環境，但食物都算唔錯！明太子蟹子玉子燒 $50玉子燒新鮮煎起熱辣辣，配上蟹子芝士木魚一齊食，口感相當有層次，兼且明太子有少少辣，仲增加左食慾添🤣雞軟骨&魷魚鬚 $40（雙拼）魷魚鬚燒得剛剛好，唔會燒到過熟而韌晒，醬汁調得香濃惹味，以串燒嚟計相當唔錯，雞軟骨就水準一般。