莎樂美餐廳

Open Now

Now Closed

一班廢青食Re-u飯緊係要大件夾抵食。呢間莎樂美就正中本廢青原則啦!未去之前已經聽同學講話間野係佢以前中學嘅窮人恩物，夠飽價錢公道，但係唔好對味道抱有太大期望，所以一開始都冇話有好高期待。去到門口一望係有D似高級餐廳FEEL，入面環境有D暗，但上到2樓就冇左D情調。同行男友人就叫左各自叫左一個雜扒餐，包餐湯、餐包、雪糕仲有杯野飲，埋單一個人都唔洗$110，而且以男仔食量黎講都食唔哂曬一個餐。間餐廳好在冇話最低消費幾多，所以我地幾個女仔2個人夾埋食一個餐都係勉強食得曬，Share返都係60幾咋，晚餐黎講都算係學生恩物。