Video
Read full review
2018-10-25
3300 views
出席康記 BBQ 日，燒烤場大到不敢相信，還未能參觀每一地方呢，係我去過最巨形啊！仍未到開飯時間即衝到海邊，我最愛的黃昏、海浪聲、海風、海水氣味，悠然自得，心身舒暢。如此美景及氣氛使我不停地拍照，燒烤場還可以帶寵物呢，可以一家大細齊齊整整。什麼都照一餐，景緻太靚，美不勝收。培養好情緒，係時間預備晚餐。龍鼓灘跟大欖小欖一樣用鐵皮屋搭建，有瓦遮頭較為侷促，煙霧瀰漫又人迫迫。還好有露天海邊大理石燒烤爐或附近的移動式燒烤爐，有選擇我喜歡。視察完環境後，我地一團決定選址最邊邊露天石屎地，空氣流通，開揚寬敞，不會人山人海。首輪頭盤，獅子狗、牛丸、貢丸、龍蝦丸、魚肉燒賣、豆腐卜、廚師雞肉腸、脆皮熱狗腸、芝士腸、火腿丸、魚蛋、紅腸、蟹籽包心丸、咖喱魷魚、叉燒粒、黑椒牛扒、南乳雞中翼、薑蔥雞扒、洋蔥豬扒。起壇！錫紙粟米蕃薯先下爐，最後先處理。火腿丸好爽喎，濃濃咸香不過份。廚師雞肉腸，難得不是地獄咸，非十分正常，焦香腸皮藏著大量腸汁。牛丸、龍蝦丸、獅子狗都是火鍋的外購質素，不過不失。魚肉燒賣、豆腐卜，烤到外皮微脆，香口十足。脆皮熱狗腸似斯華力家族，腸皮脆脆，腸肉軟腍腍肉味濃。黑椒牛扒薄切，醃味剛好無過龍，
如此美景及氣氛使我不停地拍照，燒烤場還可以帶寵物呢，可以一家大細齊齊整整。什麼都照一餐，景緻太靚，美不勝收。培養好情緒，係時間預備晚餐。
龍鼓灘跟大欖小欖一樣用鐵皮屋搭建，有瓦遮頭較為侷促，煙霧瀰漫又人迫迫。還好有露天海邊大理石燒烤爐或附近的移動式燒烤爐，有選擇我喜歡。視察完環境後，我地一團決定選址最邊邊露天石屎地，空氣流通，開揚寬敞，不會人山人海。
首輪頭盤，獅子狗、牛丸、貢丸、龍蝦丸、魚肉燒賣、豆腐卜、廚師雞肉腸、脆皮熱狗腸、芝士腸、火腿丸、魚蛋、紅腸、蟹籽包心丸、咖喱魷魚、叉燒粒、黑椒牛扒、南乳雞中翼、薑蔥雞扒、洋蔥豬扒。起壇！錫紙粟米蕃薯先下爐，最後先處理。
火腿丸好爽喎，濃濃咸香不過份。廚師雞肉腸，難得不是地獄咸，非十分正常，焦香腸皮藏著大量腸汁。牛丸、龍蝦丸、獅子狗都是火鍋的外購質素，不過不失。魚肉燒賣、豆腐卜，烤到外皮微脆，香口十足。脆皮熱狗腸似斯華力家族，腸皮脆脆，腸肉軟腍腍肉味濃。
黑椒牛扒薄切，醃味剛好無過龍，味道質感拿捏得宜，黑椒醒神食得過。薑蔥雞扒，黐肥雞油一舊舊，不過薑蔥味清香，厚厚雞肉嫩滑，滿意蠻喜歡。早段先輕輕出個雙叉流奧義，兩叉一齊燒爭取時間，才合乎經濟效益。上半場頭盤告一段落，有排都未試得晒所有食物。剛剛兩點才食個即食麵餐，還未肚餓呢，歇一歇閒逛拍拍照先。
首次到訪龍鼓灘，景色真令我驚嘆，讚口不絕！黃昏咸蛋黃使人陶醉又肚餓，咸蛋蒸肉餅、黃金蝦碌、粿蒸糉。海邊黃昏好靚喎！轉眼十幾年無踏足此地，以前淨係得士多 BBQ，邊有依個巨大燒烤場。中場休息嘆返下，轉頭再進攻。因為要達到最高既經濟效益，地方有限暫時用雙叉流先，晏啲用三叉流屠殺﹗
咖喱魷魚，超咸呀！放入口感到炸一聲，誇張的地獄咸，腍劈劈的質地不討好。醬油排骨，肉質勁彈有咬口，筋膜爽爽好過癮，肉汁豐富，最慘醃味太重手，過咸受不了。魚柳屬罕有類，結實不散，同樣略咸。錫紙燴牛油粟米，細細篤牛油搽得不均勻，幸好粟米粒粒飽滿脆卜卜，鮮甜可口。番薯，熱騰騰撕開，熱到出煙，粉甜細膩。
多春魚，原汁原味燒法係唔可以吉穿黎燒，會燒到乾晒。凌空黐住燒先可以燒到外脆內嫩帶肉汁，起高質好好味呀﹗不要加蜜糖或任何調味，會破壞晒原有鮮味。
醬油雞全翼，又係挑戰高難度同耐性既時候，最少燒十五分鐘。竟然最花時間最需要技巧既全場最好食！醃得恰到好處，帶出雞味清香味，皮脆肉嫩，啖啖爆汁。南乳雞中翼，乳香誘惑，大力一啜骨肉分離，所有精華一滴不漏，好味道。洋蔥豬扒，微弱洋蔥香，原始的肉質，損骨最高興。
入夜有點涼，圍大個火暖笠笠。最愛影火形態，每張相都獨一無異，好鬼靚好鬼正！熊熊烈火、乾柴烈火、火熱動感、火舞飛揚，很美！睇完境又睇完火，返黎現場繼續報導。大家戰意依然高昂，燒燒燒、食食食停不了！我都食到有點飽飽地，濃味食到有點渴，隊左幾支烏龍茶。進入最終回，係時候出必殺技，三叉流奧義！
黑椒牛扒，驚喜不已好味道，黑椒微辣香口又快甜，食得到微弱牛味，雖然質地稍硬。我使出三叉流人人有得食，大家好快就有得食，請耐心等候。青椒，燒得好香好香，最衰我唔食架呢！茄子，無水無油又切開真係好難消，最終半生不熟。沙爹雞腎，爽爽的給點牙力趙得過癮，腎味濃厚滲出沙爹香甜，好食滿足。蒜香雞扒，皮滑肉嫩，醃味出凡，每啖水潤可口，堅好食呢 ﹗最後的三叉流奧義第二轉，完滿結束。
點解置身於海邊、山邊這麼舒服大自然環境之中，還要製造嘈音呢？唔好炸機、唔好卡拉 OK 好無？後面個舞檯居然有卡拉 OK，一眾大媽含住支咪唔放手，好很嘈呀﹗最後殺科開盡江南 style 首歌跳群舞，真係攞您命大媽三千﹗
獅子狗、牛丸、貢丸、龍蝦丸、魚肉燒賣、豆腐卜、廚師雞肉腸、脆皮熱狗腸、芝士腸、火腿丸、魚蛋、紅腸、蟹籽包心丸、咖喱魷魚、叉燒粒、黑椒牛扒、南乳雞中翼、薑蔥雞扒、洋蔥豬扒
130 views
0 likes
0 comments
錫紙粟米蕃薯
41 views
0 likes
0 comments
火腿丸、廚師雞肉腸、牛丸
55 views
0 likes
0 comments
黑椒牛扒薄切、薑蔥雞扒
48 views
0 likes
0 comments
南乳雞中翼、洋蔥豬扒
29 views
0 likes
0 comments
咖喱魷魚、醬油排骨、魚柳
31 views
0 likes
0 comments
多春魚
22 views
0 likes
0 comments
醬油雞全翼
19 views
0 likes
0 comments
醬油雞全翼
54 views
0 likes
0 comments
蒜香雞扒
156 views
0 likes
0 comments
黑椒牛扒
119 views
0 likes
0 comments
青椒、茄子
46 views
0 likes
0 comments
Post
