稻香.茶居 (鱷魚恤中心)

Open Now

Now Closed

29/6/2023，五個人嚟食午餐，環境開揚，枱與枱之間有隔離，坐得舒服。點餐後想搵侍應落單好似好難，只見到送點心及傳菜員工，難得先見到個侍應，宜家好多酒樓都轉手機點餐，我覺得咁樣重好，唔駛係咁搵人。點咗個午市優惠剔剔餐，揀咗天皇炒牛河、叉燒併沙薑雞、稻香蝦餃皇、山竹牛肉球及香茜叉燒腸。食物都唔錯，但稻香蝦餃皇放低一陣，皮就好硬，香茜叉燒腸，無咩餡料，一舊舊，要整開先食到。再點咗胡椒枝竹豬肚及沙黃薑雞腳仔，都唔錯。