又一間餐室 (Closed)

呢間港式茶餐廳轉左經營模式之後就好少嚟食嘢，午餐一律都係$50，熱飲加$4，而家用左半自助形式，餐湯自己去攞，而侍應會將主菜送到你面前，我叫左個焗㗎喱牛腩飯，即叫即做，等左差唔多十五分鐘就上枱，不過面頭啲食物焗到有啲過龍，有啲燶同埋有啲焗到乾左，冇以前咁有水準。因為以前喺度飲過呢度啲咖啡，又香又滑，所以加左$4要杯熱咖啡，不過今次真係有啲失望，唔係好夠熱同埋冇咁香滑了。香港嘅餐廳都有一個毛病，就係保持唔到水準，希望呢間唔會啦。