Video
Read full review
2017-08-30
2623 views
之前嚟過紅煙窗兩次，覺得唔錯，所以今次趁開學前同媽咪食番餐，預祝開學順利 交通： 呢間自助餐嘅位置非常方便，處於市中心，鄰近佐敦站，一出站步行幾分鐘就到酒店環境：雖然酒店並唔係大，但餐廳都幾闊落，環境亦都舒適。我去個日可能因為 weekday, 所以並唔係好多人，餐廳方面比咗張四人枱我哋兩個， 所以整餐亦食得好舒服，好多位置擺放食物。服務：餐廳服務員都 ok la，每次收碟嘅速度都唔慢，亦有禮貌。××××××××××××××××××××××××××××××食物：1）刺身：呢度刺身嘅選擇唔算多，有四款，個人淨係試咗三文魚同紅鯛魚，兩樣都幾鮮甜，三文魚亦都係厚切，每次比3－4片左右。另外仲有玉子同一種唔記得叫咩名嘅魚，我就冇乜興趣，最終無試。2）凍海鮮：海鮮有四種，包括海蝦，小龍蝦，青口，生蠔。 －海蝦味道鮮甜，好好味，值得推介。 －小龍蝦就冇乜肉，我淨係食咗一隻，之後都冇乜興趣再食，唔食冇損失
交通： 呢間自助餐嘅位置非常方便，處於市中心，鄰近佐敦站，一出站步行幾分鐘就到酒店
環境：雖然酒店並唔係大，但餐廳都幾闊落，環境亦都舒適。我去個日可能因為 weekday, 所以並唔係好多人，餐廳方面比咗張四人枱我哋兩個， 所以整餐亦食得好舒服，好多位置擺放食物。
服務：餐廳服務員都 ok la，每次收碟嘅速度都唔慢，亦有禮貌。
××××××××××××××××××××××××××××××
食物：
1）刺身：呢度刺身嘅選擇唔算多，有四款，個人淨係試咗三文魚同紅鯛魚，兩樣都幾鮮甜，三文魚亦都係厚切，每次比3－4片左右。另外仲有玉子同一種唔記得叫咩名嘅魚，我就冇乜興趣，最終無試。
2）凍海鮮：海鮮有四種，包括海蝦，小龍蝦，青口，生蠔。
－海蝦味道鮮甜，好好味，值得推介。
－小龍蝦就冇乜肉，我淨係食咗一隻，之後都冇乜興趣再食，唔食冇損失
－青口就不過不失，正正常常
－生蠔係來自紐西蘭，好好味，非常鮮甜，帶少少海水鹹味，係回本之選
3）熟食：熟食選擇唔多，普通嘅炒飯炒烏冬，炒菜等等。不過佢嘅燒雞同燒鴨都幾好味，有酒樓炸子雞嘅味道。熟食仲有炸蟹鉗同炸蝦丸，味道 尚可，冇乜特別。搞笑嘅係熟食又有炒青口... 點心亦包括燒賣，蝦餃，牛肉球。最飽肚嘅係豬仔骨，大大舊肉，但味道麻麻，唔識冇損 失，留返個肚食多啲蠔仲好。
4）燒牛羊：自助餐有燒牛是常識吧。呢度嘅燒牛有啲韌，但味道 ok; 此外，呢度仲有燒羊，個人覺得普通，因為自己唔太鍾意蘇味。
5）燒物：呢間自助餐有一個位係專做燒物，食物係即刻燒，有雞翼，粟米，魚丸，香腸等，幾特別。雞翼為個人推介，好 juicy，好味！
6）麵檔：呢度嘅麵檔選擇幾多，除咗 common 嘅墨丸，豆卜，時菜等，仲有啲車仔麵嘅食物，包括豬紅，魚蛋，蘿蔔牛腩等。
7）飲品：呢度嘅飲品並唔係每人包一杯餐飲，而係任飲。選擇都幾多幾特別，除咗基本嘅咖啡檸茶奶茶之外，仲有蘋果同橙汁沙冰任飲，亦有熱 朱古力同西柚汁，選擇多元化！
8）甜品：甜品選擇唔多，不過基本嘅 cheese cake, pancake 都有。驚喜係有 movenpick 雪糕任食，不過我就食得太多蠔太飽，冇食。
整體嚟講呢度食物選擇唔算太多，但價格合理，性價比都算係幾高。好處係有生蠔食，係lunch buffet 少有的。加上環境舒適，服務良好，絕對可以推介俾其他人。入嚟齋食海鮮都夠回本！
Post
