Al Molo Ristorante Italiano (Closed)

放假去尖沙咀行街街，喺海運揀左一陣，決定再次幫襯這間餐廳，貪佢有個Semi-buffet，滿足下為食嘅慾望。餐廳侍應都唔算少，但係服務質素一般，有點失望。我哋叫咗兩個主菜，一個係黑松露寬條麵，一個係煎豬扒。因為有小朋友嘅關係，先至會選擇豬扒，本來冇乜期望，點知味道有意外驚喜，又香又軟又林，仲好入味，小朋友食到唔停口！黑松露寬條麵就普普通通，我覺得佢好油，食咗兩啖就無食啦。自助餐嘅選擇，都有兩款火腿，唔同種類嘅蔬果，甜品，湯。我食咗佢兩件朱古力蛋糕，其實已經飽咗，估唔到佢嘅曲奇餅都幾出色，又食咗幾件，小朋友就好鍾意飲佢個南瓜湯，食自助餐嘅嘢，就係各有各選擇，滿足每一個人個胃。