韓日屋燒烤放題 (Closed)

約咗朋友仔去食放題，佢介紹佢之前食過既韓日屋，其實有好多野食既，咁就等我介紹下d我覺得好食既野食啦。飲品櫃係自助嘅，咁都有好多飲品選擇，茶，汽水，果汁，啤酒呀，咁我就見到樂天個兩隻芒果汁同埋提子梳打好吸引，兩種我都覺得幾好飲。好耐無食菜就咗個蒜蓉炒雜菜，都炒得幾香。我呢排最鍾意食三文魚，所以就叫咗火灼三文魚壽司，同埋花之戀壽司，兩個水準都幾平均。咁多野我最覺得意就係黑魚子三文魚餅，黑魚子加三文魚再加沙律醬既味道呢真係好特別。同埋呢我就食咗我朋友極力推薦嘅脆口炸豆腐條，果然外脆內軟，卜卜脆好好食。臨走之前呢仲食咗個雀巢芝麻雪糕，同埋佢哋自製嘅奶凍感奶凍，奶凍都幾滑幾好食。