Cova Pasticceria & Confetteria (港威商場) (Closed)

近5年最Hit食材除咗芝士、芋頭之類，仲有開心果，而且開心果比起其他邪惡食物更為健康有益。呢間西餅舖聽係聽過，但一直冇機會食，終於今次推出開心果系列，全部蛋糕既開心果都落得勁重手，味道同口感都非常濃厚，絕對岩晒鍾意開心果既人！creamy既開心果忌廉醬，配合潔白色純粹既cream，望落去以為好厚身好實心，但其實軟林林又輕盈，唔肥膩，唔似一般街邊奶油或whipped cream，食多幾件都冇壓力。海綿蛋糕唔會乾，好soft，夾埋開心果醬一齊食剛好平衡。我敢肯定呢間西餅舖既開心果系列必然爆紅。