滿記甜品 De Avenue (Closed)

銅鑼灣希慎廣場滿記又有新主題甜品，今次有可愛嘅Hello Kitty做主角，喜歡Hello Kitty嘅朋友一定唔會錯過！一上到希慎廣場三樓就見到滿記裝修得好靚，有好多Hello Kitty, 門口工作人員會比Menu同聲明每人最低消費要$125元，同埋用餐時間限75分鐘，無問題就可以入去！一入去當然週圍拍照，所有枱同櫈及餐具都印有Hello Kitty！上次也做過Little Twin Star 主題甜品，但上次味道就不太好，有些失望！但今次Hello Kitty甜品就好味好多，賣相都好靚好吸引！我哋order左Hello Kitty香蕉船，有三球雪糕分别係士多啤梨，雲呢拿同芒果，味道唔錯好好！另外叫咗Hello Kitty小巴脆多士，裏面全部都係碎嘅烚蛋，烘得唔會太燶，仲有奇異果同棉花糖伴碟！飲品叫咗雪糕椰汁紅豆冰，紅豆唔算多但味道都唔錯！今次啲食物一啲都冇失望，門口仲有好多紀念品可以買！