蓮香居 (Closed)

尋晚四個女人本來諗住去旁邊既熟食市場食大排檔風味小炒，其中有靓女提議也可考慮這間餐廳，我之前未試過，平時行過見餐牌套餐價也算合理，所以大家決定一試。因為冇訂位，我地安排坐了一個不太好位置近洗手間通道的圓檯，見張檯都算大就坐下了。先叫了四個菜，主要想傾偈食野飲啤酒：半隻琵琶鴨，豉油王鵝腸，百花蟹鉗，家鄉釀節瓜。叫了些特價啤酒，可能因為開心，大家覺得食物唔錯，食飲都好開懷！後來意尤未盡，再叫多一碟蜆芥鯪魚球，一份蒸魚腸！這晚好盡興呀！主要食得開心，價錢合理，其實比想像中便宜，哈！鵝腸冇影，因為哥哥幫我地影相已經見到。