Video
Read full review
2017-08-24
240 views
食放題最唔開心係乜？就係當你一路食一路同朋友傾計時，侍應走過黎同你講，先生夠鐘交枱了！成晚的mood當堂冇哂！所以當發現呢間位於觀塘的火煱放題係不限時的，就即刻book位黎試一試。當步入大門口時，你會發現成個感覺好開揚，完全冇出面啲放題將啲枱放到迫一迫咁！第一印象分已不錯，到坐低時，你更會發現佢地啲枱係非常大，足夠放一定數量的食物，唔須要好似出面啲放題咁，放多兩碟就要幾樣食物放埋一碟，又要加個茶几喺枱邊咁陰公！可以睇到張枱有幾大調味架選擇大路，但最令我欣賞係呢個架全晚都放我地枱面，目測每枱情況差不多，兔卻食食下要週圍搵人拎個架比你架調味醬，抵讚。餐牌大大隻字寫住無限時，呢個係我選擇呢間放題的主因蠔皇鮑魚，一人一份，冬菇厚身，口感不俗，鮑魚炆得算入味，唔錯每人一隻的水餃皇，真正的啖啖都食到鮮蝦，而且食得出啲蝦不是平價貨！我食完就明白點解每人限一隻，如果任叫，根本冇可能比到呢個水準的水餃比你食，我寧願貴精不貴多，呢一隻水餃確令我回味無窮亦都係限量供應的極級牛頸脊，有咬勁，牛味濃，同水餃一樣，與其你比我任叫一啲雪到硬哂的所謂肥牛，我寧願好好享受一碟精緻的牛頸脊。同樣地都係限量供應嘅係魚生同海
當步入大門口時，你會發現成個感覺好開揚，完全冇出面啲放題將啲枱放到迫一迫咁！第一印象分已不錯，到坐低時，你更會發現佢地啲枱係非常大，足夠放一定數量的食物，唔須要好似出面啲放題咁，放多兩碟就要幾樣食物放埋一碟，又要加個茶几喺枱邊咁陰公！
可以睇到張枱有幾大
調味架選擇大路，但最令我欣賞係呢個架全晚都放我地枱面，目測每枱情況差不多，兔卻食食下要週圍搵人拎個架比你架調味醬，抵讚。
餐牌大大隻字寫住無限時，呢個係我選擇呢間放題的主因
蠔皇鮑魚，一人一份，冬菇厚身，口感不俗，鮑魚炆得算入味，唔錯
每人一隻的水餃皇，真正的啖啖都食到鮮蝦，而且食得出啲蝦不是平價貨！我食完就明白點解每人限一隻，如果任叫，根本冇可能比到呢個水準的水餃比你食，我寧願貴精不貴多，呢一隻水餃確令我回味無窮
亦都係限量供應的極級牛頸脊，有咬勁，牛味濃，同水餃一樣，與其你比我任叫一啲雪到硬哂的所謂肥牛，我寧願好好享受一碟精緻的牛頸脊。
同樣地都係限量供應嘅係魚生同海鮮盆，魚生不過不失，海鮮盆就每樣海鮮都好新鮮，用黎打邊爐絕對一流，尤其果四隻蝦，上枱時個頭仲郁緊，真真正正的游水蝦，食落亦真係爽口蝦味濃，精彩！
其實食到呢度，我同朋友都飽左六七成，再叫一啲任叫的肉丸，魚片，黑毛豬，菜，慢慢食，不用有被人催埋單的煩厭，真係可以說食左一頓幾開懷的晚餐！
其實最後離開時，看看錶，我地亦只不過食左兩個半小時，同出面果啲限時可能差無幾，但感覺完全係兩回事！所以如果你想搵間坐得舒服，食物質素不俗，而又能比你同朋友傾下計慢慢食的放題，呢度絕對係你的一個上佳選擇
Post
