Mee...lemongrass (Closed)

今日同朋友去食一間泰國菜叫Mee.....lemongrass。我去到嘅時候七點半都已經有好多人排隊。佢算係一間fusion餐廳，有別於一般傳統泰國餐廳，啲碗係中國傳統嘅公雞碗，好別緻。裝潢較光猛，座位都算多，空間感大。我同朋友叫左一個飯、一個pad Thai 、煎蠔餅、仲有必食嘅炒通菜，最後仲叫咗個芒果糯米飯作結，超級滿足！個飯係蟹肉飯，炒飯上面有一大Pat蟹肉，超級足料，淡淡蟹肉飯配埋青檸汁超級開胃！個pad tai同傳統泰國嘅冇乜分別，可以暫時滿足到我去泰國嘅慾望，一個字正！配料仲有一隻好大又彈牙嘅蝦，賣相都已經超吸引！煎蠔餅亦都值得一讚！佢啲蠔仔超級大粒，煎蛋亦都好香！炒通菜超級惹味，份量亦都好多！最特別就係個芒果糯米飯，佢嘅擺設好似壽司咁，有舊飯上面有片芒果，超得意。我都係第一次試咁樣嘅食法！糯米飯超煙韌，再配埋超多椰汁，諗返起都流口水！如果下次想食泰國菜呢間都係不二之選，我一定會再帶朋友去食多次！