Video
Read full review
2018-05-27
81 views
大埔墟既大明里有唔少野食，見到呢間「開飯主義」招牌好光，反正諗唔到食咩，就入去食啦！佢感覺好似茶餐廳，但一睇佢厚到字典咁既menu，又發現佢既菜式全部係西式而且唔係普通野-佢有焗飯、焗意粉、扒、焗麵包...每種都有唔少款式，有選擇困難症既人應該會痛苦死😂-我唔知叫左邊個餐可以跟湯同包，佢既白湯好傑身，偏咸，但夾埋牛角包食又岩岩好咁-焗廣島蠔佢既蠔就咁睇menu有d偏貴，不過上到枱，比佢既size嚇左下😱。佢隻隻都同隻叉一樣咁長，而且好厚身。食蠔最怕有腥味，今次冇乜腥味芝士同蒜蓉味，我偏好芝士果邊，感覺比較夾，帶出到蠔既鮮味-熔岩拉絲麵包芝士炸雞佢個包好大個，包皮好鬆脆，芝士都係偏咸，用黎點包食真係好正不過唔好既一點就係好漏同食食下會覺得好乾，食到尾可能會唔想食佢既炸雞係畫龍點晴，好香脆味道岩岩好，6件左右，好快就食哂-軟殼蟹色仔牛石鍋飯總係覺得佢應該係「骰」仔牛，算啦唔係重點🤣佢既牛幾林，燒汁甜甜地好好味，軟殼蟹都叫大隻既，炸得夠脆不過可惜既係飯冇乜味，而且飯質偏林，食完個包已經6成飽既我地，冇乜胃口食哂個飯，最後食哂d餸就食唔落-青蘋果沙冰梳打 + 荔枝梳打青蘋果沙冰好大杯，酸酸地好
佢感覺好似茶餐廳，但一睇佢厚到字典咁既menu，又發現佢既菜式全部係西式而且唔係普通野
-
佢有焗飯、焗意粉、扒、焗麵包...每種都有唔少款式，有選擇困難症既人應該會痛苦死😂
-
我唔知叫左邊個餐可以跟湯同包，佢既白湯好傑身，偏咸，但夾埋牛角包食又岩岩好咁
-
焗廣島蠔
佢既蠔就咁睇menu有d偏貴，不過上到枱，比佢既size嚇左下😱。佢隻隻都同隻叉一樣咁長，而且好厚身。食蠔最怕有腥味，今次冇乜腥味
芝士同蒜蓉味，我偏好芝士果邊，感覺比較夾，帶出到蠔既鮮味
-
熔岩拉絲麵包芝士炸雞
佢個包好大個，包皮好鬆脆，芝士都係偏咸，用黎點包食真係好正不過唔好既一點就係好漏同食食下會覺得好乾，食到尾可能會唔想食
佢既炸雞係畫龍點晴，好香脆味道岩岩好，6件左右，好快就食哂
-
軟殼蟹色仔牛石鍋飯
總係覺得佢應該係「骰」仔牛，算啦唔係重點🤣
佢既牛幾林，燒汁甜甜地好好味，軟殼蟹都叫大隻既，炸得夠脆
不過可惜既係飯冇乜味，而且飯質偏林，食完個包已經6成飽既我地，冇乜胃口食哂個飯，最後食哂d餸就食唔落
-
青蘋果沙冰梳打 + 荔枝梳打
青蘋果沙冰好大杯，酸酸地好開胃，不過飲唔哂🤦🏻♀️
荔枝梳打甜度岩岩好，反而好易入口，好快就成杯落左肚lu
-
整體比我預期好食，款式又多，全部都新鮮熱辣辣，價錢唔算貴。如果要推介既話，會推薦蠔
Post
