Video
Read full review
2015-12-27
934 views
講到近期最人氣蛋糕店，相信非Black as Chocolate莫屬，我都唔執輸，今日同屋企人開聖誕party，咋咋林去買番個同最錫嗰幾個一齊分享。九龍城店位於衙前圍道既街角，店子小小，早已經被逼爆，我本住為食無懼既精神，鑽鑽鑽入去，以極速講出我既目標：焦糖香蕉朱古力蛋糕！好彩呢度既店員都唔少，而且勤快有禮，好快就幫我將蛋糕拎出黎，而且仲用粗絲帶幫我包裝添！絲帶有黃色、紅色、紫色可以揀，我本來揀左黃色，後來諗諗下又覺得紫色grand啲，店員完全無托手踭，雖然店入面好多客人，但仍然都笑意盈盈咁幫我重新綁過，唔該晒呀，包完真係超靚！行到出門口，100對眼望住我盒蛋糕，仲有婆婆走埋黎問我個蛋糕幾重添，睇黎好有興趣喎！返屋企打開蛋糕，好靚呀，屋企人都好開心。蛋糕面層係一圈焦糖，同埋厚厚既朱古力醬；切開，係層層相隔既朱古力蛋糕同香蕉。睇番Catalogue介紹，呢個蛋糕既材料好豐富，有牛奶、比利時朱古力、麵粉、焦糖、香蕉、朱古力粉、雞蛋同糖。而每個焦糖香蕉朱古力蛋糕會用上大約兩條香蕉，其膳食纖維相當於一碗椰菜花。見到咁健康，罪惡感馬上減低！講到蛋糕既味道，面層既朱古力醬非常濃厚幼滑，口感豐盈，可
九龍城店位於衙前圍道既街角，店子小小，早已經被逼爆，我本住為食無懼既精神，鑽鑽鑽入去，以極速講出我既目標：焦糖香蕉朱古力蛋糕！
好彩呢度既店員都唔少，而且勤快有禮，好快就幫我將蛋糕拎出黎，而且仲用粗絲帶幫我包裝添！絲帶有黃色、紅色、紫色可以揀，我本來揀左黃色，後來諗諗下又覺得紫色grand啲，店員完全無托手踭，雖然店入面好多客人，但仍然都笑意盈盈咁幫我重新綁過，唔該晒呀，包完真係超靚！行到出門口，100對眼望住我盒蛋糕，仲有婆婆走埋黎問我個蛋糕幾重添，睇黎好有興趣喎！
返屋企打開蛋糕，好靚呀，屋企人都好開心。蛋糕面層係一圈焦糖，同埋厚厚既朱古力醬；切開，係層層相隔既朱古力蛋糕同香蕉。睇番Catalogue介紹，呢個蛋糕既材料好豐富，有牛奶、比利時朱古力、麵粉、焦糖、香蕉、朱古力粉、雞蛋同糖。而每個焦糖香蕉朱古力蛋糕會用上大約兩條香蕉，其膳食纖維相當於一碗椰菜花。見到咁健康，罪惡感馬上減低！
講到蛋糕既味道，面層既朱古力醬非常濃厚幼滑，口感豐盈，可以話係搶晒焦糖既味道，比利時朱古力果然不同凡響！入面既朱古力蛋糕好實淨，唔會話得陣風，都幾飽肚架，蛋糕同樣充滿濃濃既朱古力味，堅；香蕉散發天然果香，分量唔少，可以中和番朱古力既甜味，絕配！話咁快，就幹掉大半個。姨甥仔個嘴未吞晒，已經想搶定另一塊。家姐特登切開一邊大一邊細，問佢要邊邊，佢諗都無諗，隻手指仔就指住大嗰邊，果然識嘆！
順帶一提，Black as Chocolate印既Catalogue都幾精美，有齊所有蛋糕款既成分同價錢，食左咩落肚，一目了然，有興趣可以問店員拎番本。Post
