Opa Mediterranean Bar and Bistro (Closed)

係尖沙咀覓食既時候比呢間藍白外牆既餐廳吸引左，於是就入左去試下，發現佢地主打地中海希臘菜，難怪會用藍白色做主題啦！一入到去發現餐廳充滿異國風情，仲有唔少位置適合打卡，最啱同朋友黎影返幾張相！Margherita pizza餅皮係薄既個種，兩個人食都唔會太飽！一上個時十分鬆脆，超多水牛芝士，加上羅勒葉既香氣，令人回味無窮，而且啲車厘茄咬落去個時仲會爆汁，唔想食太heavy既pizza個時呢個都係唔錯既選擇。Mixed seafood skewers係一串有大蝦、吞拿魚、三文魚既串燒，再加上啲配料例如洋蔥、青椒、辣椒等。最中意既係三文魚，煮到啱啱好魚肉仍然好嫩滑，充滿肉汁。而下面就配左兩塊pita bread，入面有少少沙律醬，用黎包住啲魚肉同配料食都好夾架！Santorni呢杯cocktail有檸檬同菠蘿汁，所以味道酸酸甜甜，容易入口，加上上面個層foam，飲落去幾有層次。