8Five2 Restobar

Open Now

Now Closed

墨西哥未去過，但香港真係有咩食唔到 餐廳老闆似乎對香港好有歸屬感，連餐廳名字都以香港國際長途電話區號命名。開放式門面，設有多張吧枱吧櫈，而裏面就係用餐區。昏黃的燈光，裝修頗有情調，侍應和調酒師也是外籍人士，有如置身外地雞肉墨西哥脆玉米片上枱真係嚇咗一跳，份量頗大，玉米片脆口，加上水牛雞肉，辣辣地，好開胃，還配上酸忌廉同牛油果醬蘸着吃，牛油果醬好綿好夠味。玉米芝士炸丸子出街真係好鍾意食煎炸嘢，因為係屋企少整。炸丸子圓碌碌，外面炸到脆卜卜金黃色，裏面仲有軟綿綿嘅芝士。辣椒蝦墨西哥卷餅墨西哥卷裏面有蝦，辣椒汁，仲有飯喎， 好特別，卷餅裏面啲蝦仲keep得好爽口。什肉連醬墨西哥酥餅呢個同頭先嗰個卷餅又唔同，薄薄地一碟有四件。嗌嗰時都驚住酥皮餅好膩，但又唔會喎，仲有提供唔同醬汁，但係我都係最鍾意牛油果醬。叫咗杯Big Bang, 係帶有芒果汁嘅mocktail, 最型嘅係用電燈膽盛著俾你難得共聚，喺異國情懷下共進晚餐，滿意。